Բրիտանիայի կառավարությունը կհրապարակի Սպիտակ գիրք՝ Brexit-ի ծրագրով
ՄԻՋԱԶԳԱՅԻՆՄեծ Բրիտանիայի կառավարությունը կհրապարակի Սպիտակ գիրք, որում խորհրդարանի համար կշարադրի Եվրամիության կազմից երկրի դուրս գալու իր ծրագիրը: Այդ մասին հայտնել Է Միացյալ Թագավորության վարչապետ Թերեզա Մեյը՝ ելույթ ունենալով բրիտանական խորհրդարանի Համայնքների պալատում:
«Անցած շաբաթ ես համարձակ պլան ներկայացրի Մեծ Բրիտանիայի կողմից գլոբալ կարգավիճակի հասնելու համար: Ես տեսնում եմ, որ այս պալատում հետաքրքրություն կա այն բանի նկատմամբ, որ այդ ծրագիրն արտացոլվի Սպիտակ գրքում»,-ասել Է Մեյը: «Ես կարող եմ պալատի անդամների առջեւ հավաստել, որ մեր ծրագիրը կշարադրվի Սպիտակ գրքում»,-ընդգծել Է նա:
Սպիտակ գիրքը պաշտոնական կառավարական հրատարակություն Է, որն ընկած Է օրենսդրական փաստաթղթի նախապատրաստման հիմքում:
Մեծ Բրիտանիայի Գերագույն դատարանը նախօրյակին պարտավորեցրել Է կառավարությանը՝ ապահովել խորհրդարանի աջակցությունը, նախքան ԵՄ-ի կազմից երկրի դուրս գալու շուրջ բանակցություններ սկսելը:
Մեյը չի ճշտել, թե երբ այդ օրինագիծը կներկայացվի պատգամավորների քննարկմանը, հաղորդել Է ՏԱՍՍ-ը:
1
Հորոսկոպի 3 նշան, որոնց կայցելի դժբախտությունը այս տարվա վերջին
2
Վթար է․ դեկտեմբերի 1-ին, 3-ին և 4-ին ջուր չի լինելու
3
Վթար․ ջուր չի լինելու դեկտեմբերի 2-ին և 3-ին
4
42-ամյա կնոջը սպանողին գտել են․ ով է նա. մանրամասներ
5
Դպրոցական աղջկան թմրանյութ են տվել, սեռական բռնություն գործադրել և 12 օր պահել՝ իր կամքին հակառակ



