ՄԱԿ-ը նախազգուշացրել Է Եմենին սպառնացող աննախադեպ սովի մասին
ՄԻՋԱԶԳԱՅԻՆ Եմենում շարունակվող զինված հակամարտությունն սպառնում Է դառնալ արդի աշխարհում իր ծավալներով խոշորագույն սովի պատճառ: Այդ մասին հայտարարել Է ՄԱԿ-ի արտակարգ օգնության համակարգող Սթիվեն Օ՛Բրայենը, տեղեկացնում Է «Արմենպրես»-ը՝ հղում անելով BBC-ին:
Ելույթ ունենալով Անվտանգության խորհրդի նիստում՝ նա ընդգծել Է, որ Եմենի շուրջ 10 մլն բնակիչներ սննդամթերքի անբավարարություն ունեն, նրանցից շատերը հայտնվել են սովամահության եզրին: Դրա հետ մեկտեղ ՄԱԿ-ի ներկայացուցիչը հայտնել Է, որ կարիքավորների թվում 2,2 մլն երեխաներ կան:
«Հումանիտար իրադրությունը Եմենում վատթարանում Է: Դիտվում Է զինված հակամարտության սաստկացում: Երկրում շարունակվում են ամենօրյա օդային ռմբակոծությունները եւ զինված բախումները: Վերջին շաբաթվա ընթացքում մենք հաղորդագրություններ ենք ստացել 365 միջադեպերի մասին»,-հայտնել Է Օ՛Բրայենը:
2014 թվականի օգոստոսից ի վեր Եմենում չի դադարում դիմակայությունը Սաուդյան Արաբիայի կողմից աջակցվող երկրի իշխանությունների եւ շիա խռովարարների (հուսիների) միջեւ:
Սթիվեն Օ՛Բրայենի խոսքով՝ Եմենի հակամարտության հետեւանքով սպանվել Է 7 հազար 469 մարդ: Եվս ավելի քան 40 հազար բնակիչներ վերքեր են ստացել:
ՄԱԿ-ը կողմերին հաշտության կոչ Է անում, որպեսզի բնակչությանը հումանիտար օգնություն հասցվի:
1
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
2
Հուլիսի 1-ից ջրամատակարարման գրաֆիկները փոփոխվում են․ մանրամասներ
3
Վերջին անգամ նման երևույթ Հայաստանում գրանցվել է 2009թ-ին. Սուրենյանը տեսանյութ է հրապարակել
4
19-ամյա դերասանուհին և նրա ընկերները մահացել են սարսափելի ավտովթարի հետևանքով
5
Տարադրամի փոխարժեքն այսօր․ ինչպես է փոխվել դոլարի, եվրոյի և ռուբլու արժեքը



