Առավոտյան ժամը 6-ին արթնանալու 6 համոզիչ պատճառ

Գաղտնիք չէ, որ մարդկանց մեծ մասն առավոտյան վաղ արթնանալը կապում է հաջողակ լինելու հետ: Բլոգեր Էգոզա Էյխին համակարծիք է այս տեսակետին, քանի որ առավոտյան ժամը 6-ին արթնանալու սովորությունն արմատապես փոխել է իր կյանքը: 

Ստորև AdMe.ru կայքը ներկայացնում է 6 դրդապատճառ, որոնց համար, ըստ Էյխիի, արժի վաղ արթնանալ:

1. Դուք  ժամանակ կունենաք ինքներդ ձեր վրա կենտրոնանալու համար

Շատ մարդիկ իրենց նպատակներին չեն հասնում, քանի որ չեն կարողանում կենտրոնանալ սեփական անձի վրա: Հարկավոր է թարմ ուղեղով մտորել ու ճիշտ որոշումներ կայացնել:

2. Դուք ժամանակ կունենաք օրը պլանավորելու համար

Եթե օրվա անելիքները նախապես պլանավորեք, ապա ունեցած ժամանակն ավելի արդյունավետ կտնօրինեք:

3. Դուք սպորտով կամ մարմնամարզությամբ զբաղվելու ժամանակ կունենաք

Եթե արթնանաք ժամը 6-ին, ապա անկասկած կհասցնեք նախքան աշխատավայր գնալը մարմնամարզությամբ զբաղվել` հավելյալ էներգիա ու թարմություն հաղորդելով օրգանիզմին: Հայտնի է, որ ֆիզիկական ակտիվության ժամանակ օրգանիզմն արտադրում է էնդորֆին կոչվող հորմոններ, որոնք պարգևում են ուրախության ու էյֆորիայի զգացողություն:
 

4. Դուք նախաճաշելու ժամանակ կունենաք

Գաղտնիք չէ, որ նախաճաշն ամենակարևոր սննդի ընդունումն է, որը, ցավոք, ժամանակ չունենալու պատճառով մեզնից շատերը բաց են թողնում: Ուստի՝ աշխատանքային օրվա մեկնարկից մի քանի ժամ շուտ արթնանալու դեպքում Դուք անպայման ժամանակ կգտնեք այդքան կարևոր նախաճաշի համար:

5. Առավոտյան 6-ին են արթնանում բազմաթիվ հաջողակ մարդիկ

Հայտնի է, որ Twitter սոցկայքի հիմնադիր Ջեք Դորսին արթնանում է 5:30-ին` մեդիտացիա անելու ու 10 կմ տարածություն վազքով հաղթահարելու համար: Մինչդեռ Apple ընկերության գործադիր տնօրեն Թիմ Կուկն իր օրը սկսում է 4:30-ին` պատասխանելով գործնական նամակներին: Դե իսկ Virgin Group ընկերության հիմնադիր Ռիչարդ Բրենսոնը խոստովանել է, որ արթնանում է 5:45-ին ու անմիջապես գործի անցնում:

6. Դուք մյուսներից 2 քայլ առաջ կլինեք

Բզմաթիվ հետազոտությունների արդյունքները վկայում են, որ վաղ արթնանալու սովորությունը օգնում է մարդուն ավելի խորը բացահայտել իր ներուժը: Բացի այդ՝ Դուք կսկսեք աշխատել այն ժամանակ, քանի դեռ Ձեր մրցակիցները քնած են:

Աղբյուրը` Tert.am

 

XXXXX