Լրագրողների մուտքը Սպիտակ տուն արգելվել է ծննդյան թվերի գրանցման բրիտանական ձեւաչափի պատճառով

Մեծ Բրիտանիայի արչապետ Թերեզա Մեյի այցը Վաշինգտոն լուսաբանող լրագրողներին թույլ չեն տվել մուտք գործել Սպիտակ տուն՝ ծննդյան թվերի բրիտանական  եւ ամերիկյան գրելաոճերի տարբերության պատճառով, հաղորդում է BBC–ի ռուսական ծառայությունը։

Բրիտանական տարբերակը նման է ծննդյան թվերի եվրոպական տարբերակին՝ «օր–ամիս–տարի», մինչդեռ ԱՄՆ–ում նախ նշում են ծննդյան ամիսը, ապա՝ օրը եւ տարին։

«Բրիտանացի լրագրողները հայտնվեցին Սպիտակ տնից դուրս, քանի որ մեր անձնագրերում ծննդյան տվյալները գրված են բրիտանական ձեւաչափով, իսկ ամերիկյան անվտանգության ծառայությունները դա չեն հասկանում», – Twitter–ի իր էջում գրել է Buzzfeed–ի քաղաքական խմբագիր Ջիմ Ուոթերսոնը։