Ինչպես ազատվել օրգանիզմում հեղուկի պահպանումից

Օրգանիզմում հեղուկի կուտակումը հանդիսանում է քաշի ավելացման գլխավոր պատճառներից մեկը, որը կարող է լինել նստակյած կենսակերպի, հղիության, դաշտանդադարի,  ցիռոզի ու սրտային անբավարարության, սնուցող նյութերի բացակայության  նշան: Ընդհանուր առմաբ այն դրսևրովում է այտուցվածության տեսքով, որոնք կարող են հայտնվել մարմնի տարբեր մասերի վրա, օրինակ որովայնի, կոճերի, դաստակների, ձեռքերի կամ ոտքերի   շրջանում: Հղիության ժամանակ այտուցվածությունը հանդիպում է բավականին հաճախ, քանի որ այդ շրջանում կնոջ օրգանիզմը ենթարկվում է հորմոնալ փոփոխության, որը հաճախակի առաջացնում է  այնպիսի հետևանքներ, ինչպիսիք են ձեռքերի ու ոտքերի այտուցվածությունը: Իհարկե կարիք չկա անհանգստանալ, սակայն, եթե այտուցվածությունը ձեզ շատ անհանգստություն է  պատճառում, կարող եք խորհրդակցել բժշկի հետ:

Խորհուրդներ, թե ինչպես ազատվել օրգանիզմում  հեղուկի կուտակումից

Այդ խնդրից ազատվելու կարևորագույն քայլերից մեկն է աղի քանակության նվազեցումը, քանի որ այն ստիպում է օրգանիզմին  պահպանել հեղուկը, որը նրան անհրաժեշտ չէ: Հաջորդը` շատ կարևոր է խմել բավարար քանակությամբ ջուր, քանի որ այն մաքրում է օրգանիզմն ու օգնում է այնտեղից դուրս բերել վնասակար նյութերը:

Օրգանիզմում հեղուկի պահպանում. կանխարգելումն ու  բուժում. միզամուղ մթերքներ

Հարկավոր է անպայման օգտագործել միզամուղ մթերքներ, որը թույլ կտա ազատվել ավելորդ քաշից: Հաճախակի օրգանիզմում հեղուկի չափից շատ կուտակումը կարող ավելորդ կիլոգրամների պատճառ դառնալ:

o Ձմերուկ. այն խորհուրդ է տրվում, քանի որ հիմնականում բաղկացած է ջրից:
o Խնձորի քացախ. այն կօգնի կարգավորել կալիումի մակարդակը, որը կարող է փոփոխվել օրգանիզմում հեղուկի պահպանման պատճառով:
o Կանաչ թեյ.  այն հիանալի միզամուղ ու հակաօքսիդանտ է:
o Նարինջ. շնորհիվ վիտամին С-ի պարունակության, նարիջը խթանում է երիկամների աշխատանքն ու արագացնում է թունավոր նյութերի դուրս բերման պրոցեսը:
o Արտիճուկ. այն օգտագործվում է նիհարելու համար օգտագործվող  եփուկների պատրաստման համար, քանի որ այն ունի միզամուղ հատկություններ:
o Լոռամիրգ. այն կանխում է միզուղիների հիվանդությունների առաջացումն ու հանդիսանում է լավագույն հակաօքսիդանտներից մեկը:
o Խատուտիկ.  այն հանդիսանում է օրգանիզմից ավելորդ հեղուկը դուրս բերող լավագույն բույսերից մեկը:
o Մաղադանոս. այն նպաստում է օրգանիզմից հեղուկի դուրս բերմանը, այդ պատճառով վերջինիս եփուկը օգտագործվում է նիհարելու համար ու սրտի մի շարք հիվանդությունների դեպքում:
o Սոխ. այն խորհուրդ է տրվում բոլոր նրանց, ովքեր   հակված են ռևմատիզմի, երկամային անբավարարության ու հոդատապի:

Զբաղվել սպորտով

Հարկավոր է  կանոնավոր զբաղվել սպորտով. ոտքով քայլել, հեծանիվ վարել, վազել, լողալ և այլն: Զբաղվեք այն ամենով, ինչը ձեզ դուր է գալիս ու հիշեք, որ օրգանիզմում հեղուկի պահպանումը կարող է պայմանավորված լինել նստակյած կենսակերպով, այդ պատճառով ֆիզիկական վարժությունները  շատ օգտագկար են օրգանիզմի համար: Նրանք նպաստում են օրգանիզմի յուրաքանչյուր օրգանի ճիշտ աշխատանքին:

Խուսափեք նատրիում պարունակող մթերքներից

Ինչպես արդեն նշեցինք, աղը խթանում է օրգանիզմում հեղուկի պահպանում, ինչը նշանակում է, որ այն հարկավոր է հնարավորինս քիչ օգտագործել: Հարկավոր է  հաշվի առնել նաև այն, որ ամենաօրյա մեր օգտագործվող մթերքների մի մասը պարունակում  են մեծ քանակությամբ նատրիում(երշիկները, պահածոները, ալկոհոլն ու մի շարք այլ մթերքներ):
Մասնագետները խորհուրդ են տալիս ուտեստների մեջ ավելացնել շատ քիչ աղ, քանի որ այն կարող է առաջացնել երիկամների քարերի հիվանդություն, ստամոքսի քաղցկեղ և  համային զգայնության  նվազում:

Կալիումով հարուստ մթերքներ

Այս տարրը անփոխարինելի է  օրգանիզմում բալանսի պահպանման համար: Կալիումը հանդիսանում է էլեկտրոլիտներից մեկը, որը պատասխանատու է արյան ճնշման  կառավարման համար ու օրգանիզմից  դուրս է բերում նաև հեղուկը: Կալիումը առկա է որոշ մթերքներում, օրինակ, կաղամբում, բազուկում, կարտոֆիլում, ավոկադոյում և այլն:

Մագնեզիումով հարուստ մթերքներ

Մագնեզիումը ևս օգնում է  օրգանիզմից դուրս բերել հեղուկը: Այն նաև կանխում է  սրտի հիվանդությունների առաջացումն ու կառավարում է ինսուլինի արտազատումը: Մագնեզիումը թեթևացնում է միգրենն ու նվազեցնում է 2-րդ տիպի շաքարային դիաբետով հիվանդանալու հավանականությունը:

Մթերքներ, որոնք խորհուրդ է տրվում օգտագործել

o Թեփ.  օրինակ ցորենի կամ վարսակի, քանի որ նրանք հարուստ են մագնեզիումով:
o Չոր խոտեր. հատուկ ուշադրություն դարձրեք համեմի, անանուխի և  մաղադանոսի վրա, քանի որ նրանք ոչ միայն հանդիսանում են մագնեզիումի աղբյուր, այլ նաև ճաշատեսակների հիանալի հավելում:
o  Կտավատի սերմեր.  նրանք հանդիսանում են հակաօքսիդանտներ, կանխում են սրտի հիվանդությունների առաջացումն ու սնուցում են օրգանիզմը մագնեզիումով:
o Արևածաղիկի սերմեր. նրանք պարունակում են մագնեզիում ու վիտամին Е:
o Կաթ. կաթը պարունակում է մեծ քանակությամբ մագնեզիում, վիտամիններ՝ А, D ու Е:

Եվ ի վերջո.

Հանգիստը անհրաժեշտ է հողուկի պահպանման կանխման համար: Եթե ձեր ոտքերը այտուցվել են, կարող եք նրանք մի փոքր բարձրացնել  և նման վիճակում հանգստանալ:

Ամեն դեպքում նման խնդրի առաջացման դեպքում ցանկալի է խորհրդակցեք բժշկի հետ` ավելի լուրջ խնդիրներից խուսափելու համար: Եվ իհարկե  սնվել բազմազան ու առողջ սննդակարգով:

Եղեք առողջ:

Աղբյուրը՝   vajnoe.com