Լեհաստանում մեկնարկել են լեհ–ամերիկյան համատեղ զորավարժություններ

Լեհաստանի Ժագան–Կարլիկի հրաձգարանում անկացվում են լեհ–ամերիկյան համատեղ զորավարժությունները, որոնց մեկնարկին ներկա է եղել Լեհաստանի նախագահ Անջեյ Դուդան, հաղորդում է «Լեհաստանի ձայն» ռադիոկայանը։

Նա հույս է հայտնել, որ Լեհաստանում Միաացյալ Նահանգների զինվորականների ներկայությունը կամրապնդի երկկողմ հարաբերությունները։ «Լեհական զինվորական ավանդույթի համաձայն՝ ողջունում եմ մեր ամերիկացի դաշնակիցներին, Միացյալ Նահանգների զինվորականներին՝ հույս հայտնելով, որ պատմական այս պահը կարեւոր է թեկուզ նրանով, որ ականատեսն ենք Եվրոպայի եւ աշխարհի մեր մասում պարադիգմաների փոփոխությանը ոչ միայն փաստաթղթերում, այլեւ՝ ֆիզիկապես. Հյուսիսատլանտյան դաշինքը ներկա է Լեհաստանում», – հայտարարել է Դուդան։