ՌԴ ԱԳՆ. Սիրիայի հարցով բանակցությունները Աստանայում կկայանան փետրվարի 15-16–ին

Աստանայում Սիրիայի շուրջ բանակցությունները կկայանան փետրվարի 15-16–ին։ Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան, հաղորդում է «ՌԻԱ Նովոստի»–ն։ Մենք առաջնորդվում ենք նրանով, որ նախապատրաստական գործընթաց է ընթանում այժմ, որ Աստանայի հանդիպումը կարող է կայանալ  փետրվարի 15-16–ին», – նշել է Զախարովան ճեպազրույցի ընթացքում։

Ընդ որում, նա նշել է, թե «Աստանայի գործընթացը չի դիտարկվում որպես Սիրիայում խաղաղ կարգավորման ընդհանուր համատեքստից անջատ մի մաս։ «Սա քաղաքական ուղղությամբ ճգնաժամայի իրավիճակի կարգավորմանն ուղղված ընդհանուր ջանքերի մի մասն է», – շեշտել է Զախարովան։