Շիրակի մարզում հատուկ հաստատություններում իրականացվող բեռնաթափման ծրագիրը շարունակվում է

Շիրակի մարզում հատուկ հաստատություններում իրականացվող բեռնաթափման ծրագիրը շարունակվում է: Ամեն տարի ծրագրի շնորհիվ ընտանիք է վերադառնում  25 երեխա մարզում գործող 7 հաստատությունից: Բեռնաթափումն իրականացվում է ՀՀ կառավարության և «Առավոտ» հասարակական կազմակերպության միջև կնքված պայմանագրի համաձայն: Ծրագիրն իր մեջ ներառում է երկու բաղադրիչ՝  բեռնաթափում ու կանխարգելում: Այս մասին «Արմենպրես»-ին տեղեկացրեց Շիրակի մարզպետարանի ընտանիքի, կանանց և երե խաների իրավունքների պաշտպանության բաժնի պետ  Լիլիթ Գորգինյանը՝  փաստելով, որ տարեկան իրականացվում է 25 երեխայի բեռնաթափում: «Ամեն տարի 7 հաստատությունից ընդհանուր ծրագիր ընդգրկվում է 25 երեխա:

Բեռնաթափման թիրախ ընտրվել են Գյումրիում թիվ 1 և թիվ 2 խնամքի, «Թռչունյան տուն»,  «Տիրամայր Հայաստանի» հաստատությունները, Արթիկի թիվ 1 հատուկ և Գյումրու թիվ 3 օժանդակ դպրոցները: Բեռնաթափումն իրականացվում է միայն, երբ դիտարկումները ցույց են տալիս, որ տվյալ ընտանիքները փոքր-ինչ ամրացել են և համոզվելով, որ տվյալ ընտանիքներում երեխայի վերադարձի համար կա լավագույն միջավայրը: Տվյալ ընտանիքներին ծրագրի շրջանակներում 1 տարվա ընթացքում տրամադրվում է սնունդ, էներգիայի կամ գազի վարձավճար և տարեկան երկու անգամ հագուստ ու կոշիկ: Այսինքն՝ ընտանիքը հզորացնում ենք՝ երեխային վերադարձնում ենք ընտանիք»,-նշեց Լիլիթ Գորգինյանը: 

Ծրագրի երկրորդ բաղադրիչը կանխարգելումն է:

 

«Ծրագրի շրջանակում հզորացվում են այն ընտանիքները, որոնց երեխաները դեռևս հաստատություններում չեն, բայց ռիսկը մեծ է, որ կհայտնվեն: Սկզբնական շրջանում ծրագիրը հավասարաչափ բաժանված էր՝ 25՝ բեռնաթափում և նույնքան կանխարգելում, բայց 2016 թվականին արդեն ունենք 20 բեռնաթափում, 30 կանխարգելում: Նմանատիպ ցուցանիշ կունենանք նաև այս տարի»,-նշեց պատասխանատուն: 

 

Ելնելով այն հանգամանքից, որ Շիրակը սոցիալապես անապահով մարզ է՝ իր բազում խնդիրներով, բեռնաթափումն իրականացվում է, բայց այդ երեխաների փոխարեն հաստատություններում ընդգրկվում են նորերը: «Բեռնաթափման ծրագիր ընդգրկված երեխաներից միայն մեկ երեխա է ետ վերադարձել հաստատություն: Այսինքն՝ աշխատանքները ճիշտ են կազմակերպվել և ընտանիքը հզորացվել, ու երեխան ետ է վերադարձել ընտանիք և մնացել: Ընտանիք վերադարձած երեխաների ճակատագիրը մնում է ինչպես «Առավոտ» հասարակական կազմակերպության, այնպես էլ մեր բաժնի ուշադրության կենտրոնում,-նշեց Լիլիթ Գորգինյանը՝ ավելացնելով, որ, ծրագրում եղած հնարավորությունից զատ, փորձ է արվում առաջ եկած խնդիրները լուծել նաև այլ ծրագրերի միջոցով:

«Առավոտ» հասարակական կազմակերպության կողմից իրականացվող այս ծրագրից բացի,  ենթադրվում է, որ 2017 թվականից սկսած գիշերօթիկ, խնամքի հաստատությունների բեռնաթափման ծրագիր կիրականացնի նաև պետության կողմից: Ըստ այդ ծրագրի՝ տվյալ գիշերօթիկ հաստատությունները վերակազմակերպվում են ընտանիքի և երեխայի աջակցության ցերեկային կենտրոնների: Աշխատանքը տարվում է ընտանիքի հետ՝ երեխան վերադարձվում է ընտանիք: Մինչև 2018 թվականի հունվար մենք աշխատում ենք նույն ընթացակարգով, իսկ 2018 թվականն արդեն կունենանք բեռնաթափման ավելի մեծ ցուցանիշ՝ հաստատ ությունների վերակազմակերպմամբ»,-ընդգծեց Լիլիթ Գորգինյանը:

Շիրակի մարզում այս պահին գործում է ՀՀ աշխատանքի և սոցիալական հարցերի նախարարության ենթակայության «Երեխաների տուն» մանկատունը, որն ընդունում է 0-8 տարեկան երեխաների՝ բնածին արատներով հանրապետության տարբեր մարզերից, երեխաների խնամք ու պաշտպանություն իրականացնող թիվ 1 գիշերօթիկ և Ֆ. Նանսենի անվան թիվ 2 գիշերօթիկ հաստատությունները, որտեղ խնամվում են սոցիալապես անապահով ընտանիքների դպրոցահասակ 6-18 տարեկան երեխաներ: Մարզում գործում է նաև «Գյումրու երեխաների սոցիալական հոգածության կենտրոն»-ը, որը նույնպես ՀՀ աշխատանքի և սոցի ալական հարցերի նախարարության ենթակայության ներքո է, որտեղ կյանքի դժվարին իրավիճակներում հայտնված երեխաները ստանում են ցերեկային խնամք: Մարզում գործում է նաև «Հայկական Կարիտաս» բարեսիրական հասարակական կազմակերպության «Փոքրիկ Իշխան» ցերեկային կենտրոնը, որը ևս նույն աշխատանքներն է իրականացնում ի հավելումն մասնագիտական կողմնորոշման ծրագրերի: «Թռչունյան տուն»-ը, որն ի սկզբանե գործել է որպես  մանկատուն, տարիների ընթացքում վերակազմավորվել էր որպես գիշերօթիկ խնամքի հաստատության, իսկ այժմ նոր վերակազմավորմամբ գործու մ է որպես «Երեխաների աջակցության կենտրոն»: «Սրանք այն խոշոր հաստատություններն են, որոնք մարզում իրականացնում են խնամք: Մարզում իրականացնում ենք նաև հասարակական կազմակերպությունների կողմից իրականացվող ծրագրեր, բայց դրանք կարճաժամկետ են»,-նշեց պատասխանատուն: 

 

Արմենուհի Մխոյան