20 սխալներ, որոնք զգալիորեն նվազեցնում են էլեկտրական սարքերի օգտագործման ժամկետը

BlogNews-ը գրում է.

Շատ հաճախ լինում է այնպես, որ նոութբուքի կամ սմարթֆոնի գնումից արդեն կես տարի անց այն սկսում է թերի աշխատել։ Եվ դրա մեղավորը հիմնականում հենց մենք ենք, քանի որ չգիտենք բոլոր այն նրբությունները, որոնք օգնում են երկարացնել էլեկտրական սարքերի կյանքը։

BlogNews-ը որոշել է հավաքել 20 խորհուրդներ, որոնց շնորհիվ պլանշետը, նոութբուքը և սմարթֆոնը շատ ավելի երկար կծառայեն Ձեզ։

Մարտկոցի վերալիցքավորում

• Ժամանակակից լիթիում-իոնային կամ լիթիում-պոլիմերային մարտկոցները հագեցված չեն, այսպես կոչված, «հիշողության էֆեկտով», այդ իսկ պատճառով դրանք պետք է վերալիցքավորել՝ չսպասելով, որ լիցքը հասնի զրոյի։ Դա պետք է անել այն պատճառով, որ ժամանակակից արտադրողները մարտկոցների կյանքը հաշվում են ամբողջական լիցքաթափման ցիկլերով (սովորաբար 400-600 ցիկլ)։
• Եթե ցանկանում եք երկարեցնել մարտկոցի կյանքը, առավել հաճախ վերալիցքավորեք այն։ Այդպես դուք կավելացնեք լիցքաթափման ցիկլերի քանակը մինչև 1000-1100։
• Ժամանակակից մարտկոցները չեն փչանում, երբ միացված են մնում հոսանքին՝ ամբողջական լիցք հավաքելուց հետո։ Մարտկոցի մեջ եղած կարգավորիչը կանգնեցնում է հոսանքի ներհոսքը՝ այդ կերպ բացառելով գերլիցքավորման հնարավորությունը։ Մարտկոցը ավելի երկար կծառայի, եթե դրա լիցքը մշտապես պահեք 40% - 80%-ի միջակայքում։
• Հենց այդ պատճառով էլ բավականին վտանգավոր է էժան մարտկոցներ գնելը, քանի որ դրանցում շատ հաճախ բացակայում է հոսանքի ներհոսքը վերահսկող կարգավորիչը։ Այստեղից ևս մեկ հետևություն՝ պետք չէ վերալիցքավորել սմարթֆոնը չարտոնագրված և էժան լիցքավորվող լարերով։

• Խուսափեք այդպես կոչված «ուլտրա-արագ» վերալիցքավորող սարքերից, որոնք պնդում են, որ ամբողջովին կվերալիցքավորեն մարտկոցը մեկ ժամից էլ ավելի կարճ ժամկետում։
• Եվս մեկ իրվաիճակ, որի մասին պետք է իմանալ. եթե սմարթֆոնի վրա կա բավականին մեծ պաշտպանիչ, և դուք ցանկանում եք այն վերալիցքավորել երկար ժամանակով, ապա ավելի լավ է՝ հանեք պաշտպանիչը, որպեսզի մարտկոցը գերտաքացման ռիսկի տակ չլինի։
• Խորհուրդ է տրվում գոնե երեք ամիսը մեկ անգամ ամբողջովին լիցքաթափել մարտկոցը և միանգամից վերալիցքավորել մինչև 100%։ Այդպես մարտկոցն ավելի լավ կգործի։

Ջերմաստիճանային ռեժիմ

• Օգտագործման ընթացքում չի կարելի նոութբուքը դնել ծնկներին կամ մահճակալին։ Օդափոխության համակարգը պետք է օդի շրջանառության անխափան ճանապարհ ունենա, որպեսզի սարքը չտաքանա։ Դրա համար հրաշալի են հատուկ տակդիրները, որոնցից շատերը հագեցված են սեփական օդափոխիչով։
• Լիթիում-իոնային մարտկոցների վատագույն թշնամին տաքությունն է։ Այդ իսկ պատճառով այնպես արեք, որ սարքի վրա չընկնեն արևի ճառագայթները, և մի՛ թողեք այն ջերմություն արտանետող սարքերի մոտ։
• Ցուրտ վայրից տուն մտնելուց հետո անմիջապես մի միացրեք նոութբուքը։ Պետք է սպասել մոտ մեկ ժամ և նոր միացնել այն։
• Ցուրտ եղանակին խուսափեք սմարթֆոնը դրսում օգտագործելուց, քանի որ դրա մարտկոցը զգայուն է նաև ցրտի նկատմամբ։

Դիսփլեյ

• Չի կարելի թույլ տալ, որ արևի ճառագայթներն ընկնեն համակարգչի կամ սմարթֆոնի էկրանին, քանի որ դա բերում է գունային գամայի խավարմանը։
• Ձեռք մի տվեք նոութբուքի դիսփլեյին, քանի որ դա կարող է մշտական սև կետեր առաջացնել։
• Նոութբուք փակելիս համոզվեք, որ ոչինչ չեք թողել ստեղնաշարին, քանի որ նույնիսկ ամենափոքր իրերը կարող են վնասել էկրանը։

Հոսանքի տատանումներ

• Կայծակի ժամանակ պետք է անջատել էլեկտրական սարքերը, քանի որ դրանք կարող են տուժել հոսանքի տատանումներից։
• Եթե Ձեր բնակության վայրում հաճախ են լինում հոսանքի տատանումներ, ապա դուք պետք է անպայման գնեք հոսանքի պահպանման համակարգ, որպեսզի ապահովեք տեխնիկան։

Մաքրություն

• Եթե սմարթֆոնը պահում եք պայուսակի հիմնական գրպանում, ապա դրա անցքերում կարող են կուտակվել փոշի և մանր աղբ։
• Ավելի լավ կլինի, եթե սմարթֆոնը առանձին գրպանում պահեք։
• Տարին մեկ կամ երկու անգամ պետք է մաքրել նոութբուքը, քանի որ այնտեղ փոշի է կուտակվում։ Եթե համակարգչի հովացման համակարգը աղմկում է, ապա պետք է անհապաղ մաքրել այն։
• Եթե չգիտեք, թե ինչպես մաքրել սարքերը ինքնուրույն, ապա տարեք դրանք հատուկ սպասարկման կենտրոններ։