Լիբանանի Հայկազյան համալսարանում հայկական գրքին նվիրված միջոցառում է կազմակերպվել

 Բեյրութի Հայկազյան համալսարանում փետրվարի 17-ին տեղի է ունեցել «Լիբանանահայ գիրքը 2012, 2013, 2014, 2015 և 2016 տարիներին» խորագրով հանդիսություն, որին ներկա է եղել նաև Լիբանանում ՀՀ դեսպանը: Այս մասին տեղեկացնում է Լիբանանում «Արմենպրես»-ի թղթակիցը: Ներկայացնում ենք հոդվածն ամբողջությամբ:

«Պէյրութի  Հայկազեան համալսարանի «Տէրեան» հայագիտական գրադարանին կազմակերպութեամբ  Ուրբաթ, 17 փետրուար 2017-ին, Հայկազեան համալսարանի սրահին մէջ տեղի ունեցաւ «Լիբանանահայ գիրքը 2012, 2013, 2014, 2015 եւ 2016 տարիներուն» խորագիրով  հանդիսութիւն մը, որուն ներկայ  գտնուեցան  Հայկազեան համալսարանի նախագահ վեր. դոկտ. Փոլ Հայտոսթեան, Լիբանանի մէջ Հայաստանի Հանրապետութեան դեսպան Սամուէլ Մկրտչեան, հոգեւոր հայեր, գիրքերու հեղինակներ, խմբագիրներ եւ մեծ թիւով  մշակութասէրներ:

Լիբանանի եւ Հայաստանի քայլերգներու ունկնդրութենէն ետք ողջոյնի խօսքով հանդէս եկաւ Սոնիա Սիսլեան: Ան Հայկազեան համալսարանի «Տէրեան» գրադարանին անունով բարի գալուստ մաղթեց բոլոր ներկաներուն:  Օրուան բանախօսն էր Ազգային Լ. եւ Ս. Յակոբեան գոլեճի տնօրէն Վիգէն Աւագեան: Ան իր խօսքին սկիզբը ողջունելի ու կարեւոր նկատեց «Տէրեան» գրադարանի նախաձեռնութիւնը, ապա վիճակագրական տուեալներով յայտնեց, թէ 2012-էն 2016 լիբանանահայութեան  սպառած գիրքերու թիւը կ՛անցնի 90 հազարի սահմանները, ինչ որ հիմք կու տայ հաստատելու, որ հակառակ հայ գիրքի ա պրած համազգային տագնապին, Պէյրութը է՛ ու կը մնայ Երեւանէն ետք հայ գիրքի երկրորդ մեծագոյն կեդրոնը, իր պատմական հրատարակչատուներով, տպարաններով, գրադարաններով եւ ընթերցող զանգուածներով:

Վիգէն Աւագեան հաստատեց, որ հինգ տարիներու ընթացքին հրատարակուած 200 գիրքերը պատիւ կը բերեն լիբանանահայ տպարաններուն, հրատարակիչներուն, անհատ հեղինակներուն եւ նախ եւ առաջ լիբանանահայութեան` փաստը տալով անոր գոյատեւելու կամքին եւ մշակութային կենսունակ կեանքին, ապա շնորհակալութիւն յայտնեց Հայկազեան համալսարանին, որ իր կորովի անձնակազմով կը շարունակէ իր աշխատանքը եւ լիբանանահայ գիրքին պատմութիւնը կը գրէ սերունդ առ սերունդ, եւ վերջապէս մաղթեց,  որ հանդիպումը առիթ ըլլայ բոլորին` ջերմօրէն հաղորդուելու լիբանանահայ գիրքին հետ, հայ գիրք ին մօտենալու հայու պէս եւ զայն առնչելու, միաձուլելու մեր կեանքին, որպէսզի կեանքը մեզի պարգեւէ անձնական յաջողութիւն եւ հաւաքական յաղթանակ:

Նարեկ Հաննէեան եւ Անժելլա Տաղլեան ընթերցումներ կատարեցին հանգուցեալ հեղինակներ Պօղոս Սնապեանէն, Պէպօ Սիմոնեանէն, Սարգիս Կիրակոսեանէն, Ճորճ Աբէլեանէն եւ Յովսէփ Էսկիճեանէն: Ապա Սոնիա Սիսլեան ներկայացուց գիրքերու հեղինակները եւ տեղի ունեցաւ գնահատագիրներու բաշխում հեղինակներուն եւ գիրքերու խմբագիրներուն:

Պարգեւատրուողներուն կողմէ սրտի խօսք արտասանեց  Արամ Սեփեթճեան: Փակման խօսքով հանդէս եկաւ Հայկազեան համալսարանի նախագահ վեր. դոկտ. Փոլ Հայտոսթեան: Ան շնորհակալութիւն յայտնեց աշխուժ լիբանանահայութեան, որ երկար տարիներ ջանք չէ խնայած ո՛չ միայն գաղութը պահելու, այլեւ արտադրելու»: