Ավելի հաջողակ լինելը միայն ձեզնից է կախված. օգտակար խորհուրդներ

Հազարավոր կանայք ցանկանում են լավ կարիերա ու ամուր ընտանիք ունենալ, սակայն չեն հասցնում իրագործել բոլոր ցանկությունները։

tochka.net-ը գրում է, որ ներդաշնակ կյանք ունենալու համար պետք է որոշ կանոնների հետևել։ Աղբյուրը ներկայացնում է ամերիկուհի բիզնես լեդի Լարա Մորգանի խորհուրդները, որոնք կօգնեն հաջողության հասնել ու փոխել ամեն հաջորդ օրը։

1.      Պլանավորեք։ Օրվա գործերը պլանավորելը շատ կարևոր է։ Այսպես դուք ոչինչ չեք մոռանա և ստիպված կլինեք անել օրվա բոլոր կարևոր գործերը։ Կարող եք նոթատետրի մեջ գրառումներ անել։ Ընտրեք այնպիսի  գործեր, որոնք պարտադիր են, օրինակ՝ շաբաթը երեք անգամ մարզասրահ այցելել, իսկ մնացածները լրացրեք երեկոյան։

2.      Հանգստյան ժամ ունեցեք։ Մի մոռացեք ձեր պլանների մեջ նաև հանգստի համար ժամ ավելացնել։

3.      Ուշադիր եղեք։ Միշտ հիշեք ձեր նպատակի մասին։ Դա օգնում է ավելի լավ կենտրոնանալ ու հասնել հաջողության։

4.      Արդյունավետ շփում ունեցեք։ Լարան խորհուրդ է տալիս օգտագործել հաղորդագրությունները, որպեսզի կարողանաք կապ պահպանել կարևոր ու օգտակար մարդկանց հետ։ Ինչպես նաև զգուշացրեք նրանց, որ որոշ ժամանակ չեք կարողանա առցանց կապի դուրս գալ։

5.      Հաշվի առեք չկանխատեսված իրավիճակները։ Կյանքում ամեն բան էլ պատահում է, երբեք չեք կարող նախօրոք իմանալ, թե ինչ է կատարվելու։ Կարևորը բացասական երևույթների վրա մի կենտրոնացեք։

6.      Ձերբազատվեք բացասականից։ Բացասական մարդկանց հետ շփվելիս բոլորն էլ կարող են անախորժություններ ունենալ։ Մի տարվեք դրանով, ուշադրությունը շեղեք դրական երևույթներով։

7.      Լսեք ինքներդ ձեզ։ Ուշադրություն դարձրեք ինքնազգացողությանն ու լսեք ներքին ձայնը։

8.      Դրականով կիսվեք շրջապատողների հետ։ Հավատացած եղեք, որ եթե օրվա ընթացքում գոնե մեկի տրամադրությունը բարձրացնեք, ապա ձեզ դրական էմոցիաներով լցված ու երջանիկ կզգաք։

9.      Գովաբանեք ձեզ։ Օրվա ընթացքում շատ գործեր եք անում ու փորձում եք լավագույնը լինել, այդ պատճառով էլ գովասանքի եք արժանի։ Բարի եղեք ձեր հանդեպ, լավ հանգստացեք ու հաճելի նվերներ արեք ինքներդ ձեզ։ Եվ հիշեք, որ միայն դուք եք ղեկավարում ձեր կյանքն ու կարող եք անել այն, ինչ ճիշտ եք համարում։