Մեր բոլոր հաջողությունների հիմքն ամուր, հավատարիմ ու անմնացորդ նվիրումով ընկերությունն է

Shabat.am-ը գրում է.

Shabat.am-ի զրուցակիցը  ԱԺ ՀՀԿ խմբակցության պատգամավոր  Ռոբերտ Սարգսյանն է: 

-Պարո՛ն Սարգսյան, 2012թ.-ից Ազգային ժողովում պատգամավոր եք ընտրվել թիվ 1 ընտրատարածքից: Կպատմեք, թե այս ընթացքում Ձեր նախաձեռնությամբ կամ Ձեր կողմից ի՞նչ աշխատանքներ են իրականացվել` իրենց ձայնը ձեզ վստահած քաղաքացիներին օգնելու ուղղությամբ:  

-Նախաձեռնություններն ավելի շատ եղել են ոչ թե Ազգային ժողովում, այլ` դրսում, բնակիչների հետ: Կազմակերպվել են բազմաթիվ ընդունելություններ, բակային միջոցառումներ, կատարվել են տարաբնույթ աշխատանքներ, որին անմիջական մասնակցություն եմ ունեցել: Ժողովրդի հետ շփումն ամենօրյա է, նույնիսկ` ամենժամյա: Իրականում դա ավելի բարդ է, քան ԱԺ-ում ինչ-որ օրենքի նախագծով հանդես գալը: Քաղաքացիները գլոբալ հարցերով չեն դիմում, որ ես դրանք ներկայացնեմ Ազգային ժողովին: Նրանց հուզում է առաջին հերթին իրենց կենցաղային ամենօրյա խնդիրներն ու հոգսերը, ես էլ իմ հերթին փորձում եմ միշտ լսել ու օգտակար լինել:  

-Լրագրողների կողմից հաճախ կարծիք է հնչում, որ Դուք  ամենաքչախոս պատգամավորն եք: Ինչո՞վ է դա պայմանավորված և ինչպե՞ս եք վերաբերվում այդ փաստին:

- Երբեմն ինձ ասում են՝ Ազգային ժողովում ելույթ չեմ ունենում, քչախոս եմ: Բոլոր այդպես խոսացողներին, կպատասխանեմ հետևյալ կերպ. ես գերադասում եմ աշխատել, հարցեր լուծել առանց ավելորդ խոսքերի:

Իմ պատգամավորական գործունեության ընթացքում ես միշտ մասնակցել եմ ԱԺ-ի արտահերթ և լիագումար նիստերին, ինչպես նաև`  հանձնաժողովի նիստերին ու քննարկումներին: Իմ ամենօրյա աշխատանքը տեսել և զգացել է իմ ընտրատարածքի յուրաքանչյուր ընտրող. և՛նրանք ովքեր ինձ ձայն են տվել, և՛ նրանք ովքեր ձայն են տվել ուրիշներին:

Ընկերներս երբեմն ինձ մեղադրում են ավելորդ համեստության համար: Բայց, փառք Աստծո, ոչ մեկ այսքան ժամանակ ինձ չի մեղադրել անգործության կամ ոչ հետևողական լինելու մեջ:  

-Դուք ունե՞ք հակառակորդներ։ Ինչպե՞ս եք վերաբերվում մրցակցությանը քաղաքական դաշտում:

-Մեր հակառակորդը պետության տեսքով է՝  Ադրբեջանը: Հայաստանի Հանրապետական կուսակցության ներսում ես չեմ մրցակցում որևէ մեկի հետ, քանի որ  բոլորս նույն աշխատանքն ենք կատարում կուսակցության համար:

Մրցակիցներ, այո՛, կան. այն 8 քաղաքական ուժերի հետ ենք մրցելու, որոնց անունը Հանրապետական չէ: Կարծում եմ՝ քարոզարշավի ընթացքում, մեր անցած ճանապարհի գնահատականը ժողովուրդը կտա՝ անկախ մեր նկատմամբ հնչող քննադատություններից: Աշխատող մարդուն միշտ էլ քննադատում են: Ընտրապայքարի ժամանակ կերևա, թե ով ինչ է արել և ինչ է անելու ժողովրդի համար: 

Շարունակությունը՝ սկզբնաղբյուր կայքում: