«Միշտ վախեցել եմ մարդկանց նեղություն պատճառելուց». Լուսինե Բադալյան
ԼԱՅՖ
Exclusive
Past.am-ի բլից հարցերին պատասխանում է սիրված հեռուստահաղորդավարուհի Լուսինե Բադալյանը:
- Ձեր օրն սկսվում է...
- Մեկ գավաթ սուրճով:
- Ո՞վ կամ ի՞նչն է Ձեր ոգեշնչման աղբյուրը:
- Երաժշտությունը, բնությունը:
- Գեղեցիկը Ձեզ համար...
- Ամեն ինչ է, ես գեղեցիկ մարդուն պատրաստ եմ ներել ամեն ինչ: Ու, ընդհանրապես, գեղեցկությունն ամենակարևոր բանն է իմ կյանքում:
- Ու՞մ եք դիմում, երբ հուսահատ եք:
- Աստծուն:
- Կյանքում երբեք չեք ների...
- Չկա այդպիսի բան, որ չեմ ների, իրավունք չունեմ չներելու:
- Ձեր ամենամեծ հիասթափությունը...
- Հիասթափություններս շատ են, անընդհատ, և ես ամեն մեկը յուրովի եմ տանում, դրա համար դժվար է որևէ մեկն առանձնացնել:
- Մի բան, որի համար շատ եք ափսոսել...
- Որ կրթությունս չշարունակեցի արտասահմանում:
- Ձեր կյանքի ամենառոմանտիկ հանդիպումը...
- Թերևս ամուսնուս հետ առաջին հանդիպումն էր:
- Երբ բարկացած եք...
- Խորը շունչ եմ քաշում, պարտադիր առանձնանում եմ ու միայնության մեջ սուրճ եմ խմում:
- Ձեզ հասկանալու համար դիմացինը պետք է...
- Ուղղակի ընդունի ինձ այնպիսին, ինչպիսին կամ, ինձ դժվար չէ հասկանալ:
- Ընտանի կենդանի ունե՞ք:
- Այո, շուն:
- Եթե լինեիք ամենազոր...
- Խաղաղություն կստեղծեի աշխարհում:
- Հայրենիքը Ձեզ համար...
- Ընտանիքից հետո ամենաթանկ բանն է:
- Ձեր կյանքի ամենամեծ ձեռքբերումը...
- Երևի երեխաներս են:
- Ամենաշատը երազում եք...
- Խաղաղության մասին:
- Երբեք չեք փորձի...
- Երբեք չեմ ասում երբեք:
- Աշխարհի լավագույն վայրը Ձեզ համար...
- Տունն է:
- Միշտ վախեցել եք...
- Մարդկանց նեղություն պատճառելուց:
- Մարդ, ով փոխել է Ձեզ...
- Ինձ փոխում են բոլորը, ովքեր շրջապատում են. ցանկացած հարաբերություն, ցանկացած շփում ինձ փոխում է, հուսով եմ՝ դեպի լավը:
- Տանել չեք կարողանում, երբ...
- Աղմուկ է:
- Մի բառով բնորոշեք ինքներդ Ձեզ:
- Փափուկ:
- Տարվա ո՞ր եղանակի հետ եք Ձեզ ասոցացնում:
- Ամառվա:
- Իր, որ միշտ Ձեզ հետ է...
- Հեռախոսս:
- Երջանկության՝ Ձեր բանաձևը:
- Ինձ համար երջանկության բանաձևը սերն է:
- Առանց ինչի՞ չեք կարող ապրել...
- Ջրի:
- Ամենակարևորը՝ կյանքում…
- Սերն է: Եթե սեր կա, մնացած ամեն ինչն իր տեղն է ընկնում:
- Վերջին անգամ ե՞րբ եք արտասվել:
- Ես վերջերս շատ զգացմունքային եմ դարձել, հետևաբար՝ ամեն ֆիլմից կամ գրքից հուզվում եմ:
- Այս պահին կուզենայիք...
- Ամառը գար:
- Ձեր գերագույն նպատակն այս կյանքում...
- Օգտակար լինել մարդկանց:
- Ուրիշ ի՞նչ հարցի կցանկանայիք պատասխանել, որը չհնչեց:
- Երևի չկա:
- Եվ վերջում...
- Բոլորին մաղթում եմ սեր և երջանկություն:
Մարիամ Նալբանդյան
