Իսկական լեդիի 10 հատկանիշ

1.Իսկական լեդին երբեք չի պարտադրում իր կարծիքը, նա ունի իր սեփական տեսակատն ամեն հարցի վերաբերյալ, սակայն չի զլանում լսել նաև այլ կարծիքներ և անընդհատ ընդլայնել իր մտահորիզոնը:

2.Լեդին քաղաքավարի և բարեկամական է վարվում բոլորի հետ, լինի դա սպասարկող անձնակազմի ներկայացուցիչ, անզվական ծագման անձնավորություն կամ "արքայական արյան կրող": 

3.Իսկական լեդիին խորթ է ազգայնամոլությունը (չշփոթել հայրենասիրության հետ), նա հավասարապես հարգում է բոլոր ազգերի, կրոնների, մշակույթների ներկայացուցիչներին:

4.Լեդին երբեք չի մոռանում համեստության մասին, ինչը մեր օրերում անարդար ցածր է գնահատվում, սակայն լավ իմաստով "դուրսպրծուկ" (выскочка) լինելը ճիշտ է երևի թե միայն Թատերական ինստիտուտի ընդունելության քննության ժամանակ.. 

5.Լեդին անտեղի իրարանցման մեջ չի ընկնում, չի անհանգստանում, և ականջներիդ օղ արեք՝ լեդին երբեք ժամանակ չի սպանում գնդիկավոր գրիչի փականով խաղալով... 

6.Լեդին միշտ հիշում է ճիշտ կեցվածքի մասին. երևի թե բոլորիս փոքր ժամանակվանից մայրիկներն անըդնհատ կրկնել են. "մեջքդ ուղղիր", ահա, մի մոռացեք դրա մասին նաև մեծ տարիքում:

7.Որպես բարոյական իդեալներ, անկասկած, մեր ազգի համար նույնպես ծառայել են տարբեր ժամանակների ազնվական ընտանիքների ներկայացուցիչները, շատ ճիշտ խսքեր կան՝ գրված ռուսական կայսրուհի Ալեքսանդրա Ֆյոդորովնայի օրագրում. "Եթե դուք հարուստ եք և հանրահայտ, ձգտեք անել այնպես, որ մարդիկ ներեն ձեզ դա..":

8.Լեդին երբեք ոչ ոքի չի կոպտում կամ անտակտ վերաբերմունքի արժանացնում, առավել ևս՝ հայհոյում:

9.Իսկական լեդին լի է ներքին արժանապատվությամբ, ինչը նրանից չի խլի ոչինչ՝ ոչ պատերազմը, ոչ հեղափոխությունը կամ այլ մեծամասշտաբ իրադարձություններ: Էթիկայի կանոնները, մեծահոգությունը և բարի սիրտը ոչինչ և ոչ ոք չի խլի նրանից:

10.Լեդին երբեք չի խուսափում ծանր աշխատանքից. տարբեր պատերազմական ժամանկաշրջաններում բազմաթիվ ազնվականության ներկայացուցիչ կանայք աշխատել են որպես բուժքույրեր, մասնակցել վիահատությունների՝ մեղմելով հայրենիքի պաշտպանների տառապանքները:

Եվ վերջին կետը, որը ոչ ոք այսպես պարզ չի ասի ձեզ, քանի որ դա ինքնստինքյան ենթադրվում է.

11.Լեդին միշտ հետևում է իր արտաքինին. պարտադիր չէ մեծ գումարներ ծախսել՝ արժանապատիվ տեսք ունենալու համար, կարելի է ուղղակի մազերը հարդարել այնպես, ինչպես սազում է, իմանալ չափը դիմահարդարման մեջ և հագնվել պարզ, բայց ճաշակով: