Ջուսը խոստանում է զարմացնել երկրպագուներին նոր կերպարով

Երգչուհի Ջուսը շուտով կներկայացնի նոր տեսահոլովակով։ Նա Tert.am Life–ին է տրամադրել տեսահոլովակի backstage լուսանկարներն ու պատմել «Խենթ ազատություն» երգի մասին։ Ակումբային երգի երաժշտության հեղինակը DJ BLACKEY–ն է, խոսքերինը` Էդգար Խաչատրյանը, տեսահոլովակը նկարել է Սևակ Սողոմոնյանը։

 «DJ BLACKEY Ֆեյսբուքով ինձ գտավ և առաջարկեց այս երգը։ Նա ասաց ինձ, որ իմ ձայնն է տեսնում այս երգում։ Լսելով հատվածներ` շատ հավանեցի։ Վաղուց էի ուզում այդ ոճում երգել։ Այն նման է Դեյվիդ Գետտայի ոճին։ Որոշեցինք միանգամից ձայնագրել և նկարահանել տեսահոլովակ»,– ասաց Ջուսը։

 Վերջինս նշեց, որ երգն իր և այն մարդանց մասին է, որոնք սիրում են ազատությունը և իրենց լիարժեք ազատ են զգում։ «Այն ներքին ազատության մասին է։ Երբ մարդը կարող է մոռանալ ամեն ինչ ու պատրաստ լինի խենթության»,– հավելեց Ջուսը։

 Երգչուհին նշեց, որ տեսահոլովակում երկու կերպարներով է ներկայացել։ «Տեսահոլովակն ունի սյուժե, որի մանրամասները չեմ ցանկանա բարձրաձայնել։ Վստահ եմ, որ այս անգամ էլ եմ զարմացնելու երկրպագուներիս։ Այս տեսահոլովակում մեկ ուրիշ աղջիկ եմ։ Սիրում եմ չհոգնեցնել ինձ հետևողներին և նորովի ներկայանալ»,– եզրափակեց Ջուսը։