Պրիտցկերյան մրցանակ են ստացել միանգամից երեք իսպանացի ճարտարապետներ

Իսպանացի երեք ճարտարապետներ՝ Ռաֆայել Արանդան, Կարմե Պիխեմը եւ Ռամոն Վիլալտան, դարձել են ճարտարապետության Պրիտցկերյան մրցանակի 2017 թվականի դափնեկիրներ: Այդ մասին, ինչպես տեղեկացնում Է «Արմենպրես»-ը, ասված Է մրցանակի պաշտոնական կայքի հաղորդագրության մեջ: 

Կատալոնացի ճարտարապետները միասին աշխատել են 1988 թվականից: Սա առաջին դեպքն Է, երբ մրցանակն ստանում են միասին աշխատած միաժամանակ երեք ճարտարապետներ: Ավելի վաղ 1966 թվականին իսպանացին արդեն ստացել Է Պրիտցկերյան մրցանակ, նշված Է նյութերում:  

Ճարտարապետների գործերի թվում նշված են La Cuisine արվեստների կենտրոնը (Նեգրպելիս, Ֆրանսիա), Soulages թանգարանը (Ռոդեզ, Ֆրանսիա), La Lira բաց հանրային թատրոնը (Ռիպոլ, Կատալոնիայի Ժիրոնայի նահանգ, Իսպանիա) եւ այլ գործեր: Ժյուրին ընդգծել Է յուրաքանչյուր նախագծի վրա՝ հասարակական եւ մասնավոր օբյեկտներից մինչեւ մշակութային կենտրոններ եւ կրթական հիմնարկություններ, աշխատելիս շրջակա միջավայրին խնամքով վերաբերվելու ճարտարապետների ունակությունը:

Մասնավորապես, ճարտարապետները շենքերը նախագծելիս հաջողությամբ են օգտագործել վերամշակված նյութերը՝ պողպատը եւ պլաստիկը, ասված Է հաղորդագրութան մեջ: 

Դրանում հավելվում Է, որ այս տարի պարգեւատրման արարողությունը տեղի կունենա մայիսի 20-ին Ճապոնիայի Տոկիո մայրաքաղաքում:

Պրիտցկերյան մրցանակը շնորհվում Է ամեն տարի ճարտարապետության բնագավառում նվաճումների համար: Մրցանակը լայնորեն հայտնի Է աշխարհում եւ համարվում Է Նոբելյան մրցանակի նմանակը, հաղորդել Է ՌԻԱ Նովոստին: