5 տարբերակ վարսերն առանց որևէ գործիքի գանգրացնելու համար

Բազմաթիվ աղջիկներ երազում են գեղեցիկ ու գանգուր վարսեր ունենալու մասին, սակայն դրանք գանգրացնելու ընթացքում վնասում ու այրում են վարսերը տարբեր գործիքներով։

 

tochka.net-ը գրում է, որ պետք չէ տանջել վարսերը, քանի որ կա մի քանի տարբերակ, որոնց միջոցով կարող եք գանգրացնել վարսերն ՝առանց որևէ գործիք օգտագործելու։ Մինչ այս խորհուրդներից օգտվելը պետք է լավ լվանալ վարսերը և չորացնել դրանք բնական ճանապարհով կամ ֆենով 85%-ը։

 

1.      Վարսերն անվտանգ գանգրացնելու համար կարող եք օգտագործել պապիլյոնները։ Նախ պետք է մի փոքր խոնավացնել վարսերը, այնուհետև փաթաթել դրանք պապիլյոնի փայտիկին՝ ծայրերից դեպի արմատներ։ Արմատների հատվածում դրանք պետք է կլորացնել ու ֆիքսել։ Ավելի լավ արդյունքի հասնելու համար գիշերն այդպես քնեք։

 

 

2.      Կարող եք օգտագործել «невидимкa»-ները։ Վերցրեք բարակ մազափունջն ու այն կլորացրեք ծայրերից դեպի արմատներ։ Ստացված փունջն ամրացրեք «невидимкa»-ով և մի քանի ժամից վարսերը կգանգրանան։

 

 

3.      Գլխակապի միջոցով վարսերը գանգրացնելու համար գլխակապը հագցրեք գլխին ու զգուշորեն վարսերը փաթաթեք դրա վրա։ Մի քանի ժամից կտեսնեք արդյունքը։

 

 

4.      Վարսերի լայն ու խոշոր մազակալն օգտագործում են վարսերը կիպ կապելու համար, սակայն դրանով նաև հիանալի գանգուրներ կարելի է ստանալ։ Պարզապես հավաքեք, իսկ հետո քանդեք վարսերը։

 

 

5.      Կարող եք նաև օգտագործել ժգուտերը։ Դրա համար պետք է մազափունջը պտտել ծայրերից դեպի արմատներն ու ամրացնել ձիգ ժգուտով։ Որքան շատ են մազափնջերը, այնքան ավելի փարթամ ու մանր գանգուրներ կստանաք։