Կարելի է հագնվելիս ստեղծագործել ու դառնալ ամենաոճայինը. Արփինե Կոշտոյանը՝ գարնանային նորաձևության մասին

Սպասված գարունն արդեն մի քանի օր է վայելում ենք ու չնայած եղանակային պայմանները դեռեւս ցուրտ լինելու պատճառով մեզ չեն գոհացնում, բայց ժամանակն է թարմացնել զգեստապահարաններն ու ձեռք բերել սեզոնին համապատասխան թրենդային հագուստ: Իսկ այս առումով Life.panorama.am-ը լսել է դիզայներ Արփինե Կոշտոյանի խորհուրդները:

«Գարնանը մեր ներքին հոգեվիճակն ավելի հետաքրքիր է դառնում ու հետեւաբար արեւոտ եղանակային պայմաններում զգեստապահարանը թարմացնելու ցանկություն է առաջանում: Ինչպես ամեն սեզոնին, այս անգամ եւս, իհարկե, կարելի է ձեռք բերել թրենդային հագուստներ, բայց պետք է հիշեել, որ բազմաթիվ թրենդներից ցանկալի է ընտրել միայն այն տարբերակները, որոնք բնորոշ են հենց տվյալ անձի ոճին»,- նշեց Արփինեն ու հագուստ ընտրելու հետ կապված տվեց իր խորհուրդները.

«Քանի որ տրաբերակները շատ են, ընտրությունը՝ մեծ, սկսեմ իմ ամենասիրելի թրենդներից. Ակտուալ են լայն տաբատները, որոնք ոչ միայն գեղեցիկ են, այլեւ կնոջ կազմվածքը դարձնում են ավելի ձիգ, բացի այս նման տաբատները վիզուալ ավելի բարձրահասակ են դարձնում կնոջը: Այս տաբատները հետաքրքիր բլուզների հետ համատեղելու դեպքում կարելի է ստանալ չափազանց կանացի կերպար: Այս տարի շատ նորաձեւ են համարվում նաեւ կոստյումները, այս պարագայում ակտուալ են մինիմալիստական պարզ տարբերակները, որոնք համադրելի են թե զգեստների, թե տաբատների հետ: Կարծես թե էլեգանտությունն է իշխում այս սեզոնի նորաձեւությանը, իսկ էլեգանտ տեսք ունենալուն կարող են նպաստել ճիշտ ընտրված ժամացույցները: Նման լուքերի դեպքում շատ աքսեսուարներ պետք չեն»:

Ամբողջական հոդվածը կարող եք կարդալ այստեղ: