Ֆրանսիայում տղամարդը սպանել է ազգականներին ժառանգության մասին վեճի պատճառով

Ֆրանսիայի արեւմուտքում փետրվարի կեսերին առեղծվածային պայմաններում անհետացած Տրոադեկ ընտանիքի սկանդալային գործը վերջերս բացահայտվել է՝ ազգականներից մեկը խոստովանել է, որ սպանել ու մասնատել է ամուսիններին ու նրանց երկու երեխաներին, ժառանգության կապակցությամբ ծագած տարաձայնությունների պատճառով, փոխանցում է RFI–ն։

49-ամյա Պասկալի ու Բրիջիտ Տրոադեկների ու նրանց 21-ամյա որդի Սեբաստյանի ու 18-ամյա դուստր Շարլոտայի ճակատագրի մասին ոչինչ հայտնի չէր փետրվարի 16-ից հետո։ Նրանք աշխատանքի չէին ներկայացել, բջջային հեռախոսները անջատված էին, իսկ նրանց տանը արյան հետքեր էին հայտնաբերվել։

Այդ աղմկահարույց պատմության հետաքննությանը մասնակցել է ավելի քան հարյուր քննիչ։ ՍԿզբում կասկածները ընկել էին Սեբաստյանի վրա, սակայն հետո քննիչները կասկածել էին Պասկալի փեսային՝ Յուբեր Կաուսսենին, քանի որ Տրոադեկների տանը գտել էին նրա ԴՆԹ-ի հետքերը։

Սկզբում Կաուսսենը վստահեցրել է, որ վաղուց չի շփվել ազգականների հետ ժառանգության շուրջ իրենց տարաձայնությունների պատճառով։ Բայց հետո խոստովանել է, որ ուշ երեկոյան գնացել էր Տրոադեկների տուն, որպեսզի հետեւի նրանց։ Պասկալն ու Բրիջիտը արթնացել են աղմուկից ու տեսել Կաուսենին։ Նա էլ իր ազգականի ձեռքից խլել է մեխ հանելուգործիքը ու սպանել սկզբում ամուսիններին, հետո էլ նրանց երեխաներին։

Կաուսսենը վերադառնալով տուն՝ սպանության մասին պատմել էր կնոջը՝ Լիդիա Տրուադեկին։ Հաջորդ օրը նա վերադարձել է հանցագործության վայր, որպեսզի այնտեղից հանի մարմինները ու մաքրի արյան հետքերը։

Դատախազը պատմել է, որ Կաուսսենը մի քանի օր փորձել է ազատվել մարմիններից։ «Ըստ երեւույթին նա մասնատել էր դիերը, մի մասը թաղել էր, մյուս մասը՝ այրել»,- ասել է դատախազը։

Յուբեր Կաուսերին մեղադրել են սպանության մեջ, իսկ Լիդիա Տրոադեկին՝ «հանցագործության վայրից ապացույցները միտումնավոր թաքցնելու ու սպանվածների մարմինները թաքցնելու մեջ։

 Յուբեր Կասուսենը զայրացած էր իր ազգական Պասկալ Տրոադեկի վրա, որը «յուրացրել էր ոսկե զարդերը՝ որպես ժառանգություն»։ Ժառանգության համար այդ վեճը տասը տարվա պատմություն ուներ։