Էթիկետի 10 կանոն, որ ժամանակակից մարդը պարտավոր է իմանալ

 Էթիկայի կանոնների պահպանությունը պետք է շատ կարևոր լինի մարդկանց համար։ Դեռ հնուց ցանկացած շրջապատում ու հասարակության մեջ գոյություն ունեն կարգապահության կանոններ, որոնք ենթադրում են՝ հարգանք, քաղաքակիրթ պահվածք և այլն։

Tochka-ն գրում է, որ շատերն այս ամենի հետ ծանոթ չեն և դրա պատճառով մի շարք սխալներ են թույլ տալիս։ Ահա էթիկետի այն կանոնները, որոնք պետք է իմանա յուրաքանչյուր ժամանակակից մարդ։

1.      Երբեք հյուր մի գնացեք առանց զանգահարելու։ Տան տիրոջը վատ դրության մեջ չգցելու համար միշտ զանգահարեք, մինչ հյուր գնալը։ Եթե ձեր տուն են այցելել առանց նախօրոք զանգահարելու, ապա դուք կարող եք ներկայանալ այնպիսի տեսքով, որով ցանկանում եք։

2.      Բարևեք ձեր ընկերների ծանոթներին։ Եթե քայլում եք ինչ որ մեկի հետ ու նա ծանոթ մեկին է հանդիպում, ապա դուք նույնպես բարևեք նրան, լուռ կանգնելն անքաղաքավարի է։

3.      Կինը կարող է սենյակում չհանել գլխարկը կամ ձեռնոցները, սակայն ձմեռային գլխարկն ու հաստ ձեռնոցները պետք է հանի։

4.      Պահպանեք նամակների գաղտնիությունը։ Ծնողները երբեք չպետք է կարդան այն նամակներն ու հաղորդագրությունները, որոնք իրենց երեխաներին են ուղղված և հակառակը։

5.      Մի դրեք հեռախոսը ընդհանուր սեղանին։ Եթե դուք նստած եք սեղանի շուրջ և ձեր զրուցակիցը հեռախոսը դնում է սեղանին, ապա այդպիսով ցույց է տալիս, թե ինչքան կարևոր է այդ հեռախոսն իր համար և, որ նա ձանձրանում է ձեր կողքին։

6.      Եթե ասում եք «Ես քեզ հրավիրում եմ», ապա դա նշանակում է, որ պետք է վճարեք այդ մարդու համար։ Եթե ցանկանում եք հրավիրել ինչ որ մեկին, սակայն չվճարել, ասեք «Արի գնանք ինչ որ տեղ»։ Այս դեպքում վճարում են ամեն մեկն իր համար։

7.      Տղամարդը միշտ առաջինն է ռեստորան մտնում։ Սա ազդանշան է տալիս անձնակազմին, թե ով է առաջարկել ռեստորան այցելել և ով պետք է վճարի։ Սակայն, եթե ռեստորանի մուտքի մոտ ձեզ դիմավորում է դռնապանը, ապա տղամարդը պարտավոր է կնոջն առաջ թողնել։

8.      Փողոցով քայլելիս տղամարդը պետք է կնոջ ձախ կողմով քայլի։ Աջից կարող են քայլել միայն զինվորականները, որոնք ամեն պահի սպասում են հրամանին։

9.      Կինոթատրոնում կամ թատրոնում ձեր տեղը գտնելու ճանապարհին պետք է շրջված լինեք դեմքով դեպի հանդիսատեսը։ Առաջինն անցնում է տղամարդը։

10.  Առաջինը բարևեք։ Անկախ նրանից, թե ինչ մասնագիտություն ունեք և ով եք, որևէ սենյակ մտնելիս պետք է առաջինը դուք բարևեք։