Կամուսնանամ այն ժամանակ, երբ զգամ, որ այդ տղամարդուն ուզում եմ իմ ողջ կյանքում տեսնել. Անի Քրիստի

Life.panorama.am-ը գրում է.

Life.panorama.am-ի այսօրվա զրուցակիցն է երգչուհի Անի Քրիստին, ով վերջին տարիներին ապրում է ԱՄՆ-ում:

Անի, նախ ուզում եմ հետաքրքրվել, թե ինչո՞վ եք այս շրջանում զբաղված, քանի որհանդիսատեսը Ձեզնից արդեն աշխատանքային նորության է սպասում:

- 2016-ի վերջն ինձ համար ակտիվ շրջան էր, քանի որ, ի ուրախություն ինձ,  Հայաստնից հրավերները շատացան եւ ես Երեւանում լինելու հնարավորություն ավելի շատ ունեցա: 2017-ի սկիզբն էլ նույն ակտիությամբ փայելց, իսկ հիմա վերադարձել եմ Միացյալ նահանգներ եւ ինտենսիվ զբաղվում եմ իմ դպրոցի հարցերով: Հիմա նախապատրաստական աշխատանքներ են տարվում: Այնպես որ, հիմա հենց այդ նախապատրաստական աշխատանքներով զբաղված լինելու շրջան է, ինչի համար շատ ուրախ եմ, քանի որ այդ դպրոցի բացմանը շատ եմ սպասում:

Ձեզ անընդհատ երաժշտական նոր ոճերում կարող ենք տեսնել, հետաքրքիր է՝ հաջորդըի՞նչ ոճում եք պատկերացնում Ձեզ, որով կրկին կզարմացնեք Ձեր երկրպագուներին:

- Այո, ինքս էլ ինձ բազմաժանր երգչուհի եմ համարում: Ես ունեմ բազմաոճ երգեր, որոնց ամեն անգամ յուրովի եմ վերաբերվում: Հիմա մի երգ կա, որի երաժշտության հեղինակը Արամ Ավագյանն է, ում հետ առաջին անգամն եմ համագործակցում, իսկ խոսքերը գրել է Ավետ Բարսեղյանը: Աշխատում եմ այս երգի վրա, որի փակագծերը չեմ բացի ու կխոսեմ երգի պատրաստ լինելուց հետո միայն:

Անի, վերջին ամիսներին Հայաստան այցելությունները բավականին շատ էին, այդ թվումնաեւ ծրագրերն էին շատ: Հետաքրքիր է՝ առաջիկա պլաններում Հայաստանի հետկապված ի՞նչ ծրագրեր ունեք, ե՞րբ կարող ենք Ձեզ կրկին այստեղ տեսնել:

- Նշածս երգի տեսահոլովակը հավանաբար կնկարահանվի Երեւանում: Հենց դա էլ պատճառ կդառնա, որ առաջիկայում կրկին կվերադառնամ Հայաստան:

Երբ ամիսներով ու տարիներով հեռու են լինում հայրենիքից, բոլորովին այլ մտքեր, ուտրամադրվածություն է լինում, անգամ սովորում են հեռավորությանը, իսկ երբ այցերըշատ հաճախ են լինում, կարծես թե ստացվում է, որ երկու բնակության հասցե եքունենում: Հետաքրքիր է՝ այս ընթացքում երբեւէ մտածել եք, որ Ձեր տեղը, միեւնույն է, Հայաստանում է, կամ հակառակը՝ ԱՄՆ-ում:

- Այո, շատ անգամ եմ մտածել, որ չէ, մեկ է, Հայաստանում է իմ տեղը, բայց ինձ համարելով ավելի քաջ ու ուշեղ անձնավորություն, երբեմն բարդություններին հարմարվելն ինձ համար ավելի նպատակային է: Իհարկե, հայերնիքում ավելի հեշտ ապրելու հնարավորություն ունենք, բայց այնտեղ, որտեղ բարդություն կա, ուրեմն դա է ճիշտ ճանապարհը եւ ըստ դրա էլ վերջին շրջանում ավելի շատ ժամանակ եմ անցկացրել Լոս Անջելեսում: Ի դեպ՝ այստեղ ապրելուս տարիներն ինձ համար շատ ավելի ուսուցողական էին, այդ տարիներն ինձ համար շատ լուսավոր կետեր է բացել ու դեռեւս բացելու է: Իհարկե, այս ընթացքում նաեւ հիասթափություններ են եղել, մտածել եմ շարունակե՞լ երգել, թե ոչ, բայց դրանք հաղթահարվում են ու անցնում: Միշտ հիշում եմ թեւավոր խոսքը՝ «Եթե մի բան քեզ չի սպանում, ուրեմն ավելի ուժեղ է դարձնում»: Այնպես որ, մարդկային էմոցիոնալ դժվարին ճանապարհով ինքս էլ անցել եմ, ինչը բնական է: Իսկ ինչ վերաբերվում է իրական տանը, իհարկե, յուրաքանրչյուր հայի տունը Հայաստանում է, պարզապես ինչ-ինչ պատճառներով մեր ժողովուրդը սփռվել է աշխարհով մեկ: Իրականում, կարծում եմ, կարեւորն այն է, որ հաճախ այցելես հայրենիք, որպեսզի արմատներից կտրվելու խնդիր չլինի:

Անի, կցանկանամ խոսել նաեւ Ձեր ոճափոխությունից: Դրանք բավականին արագ ենտեղի ունենում ու մեկը մյուսից գեղեցիկ են: Այժմ կարծես թե շիկահեր եք դարձել: Հե՞շտեք կայացնում ոճափոխության որոշումը, եւ արդյոք շատերի նման այդ միտումը Ձերկյանքում նորովի ապրելու սկիզբ է:

- Այո, նման կարծիք կա, ըստ որի, եթե արտաքինդ փոխում ես, ուրեմն նոր կյանք ես սկսում: Ինքս էլ ունեմ ընկերներ, ովքեր նման քայլի են գնացել՝ մտածելով, որ դա ինչ-որ բան կփոխի իրենց կյանքում: Սակայն ես ավելի ռեալ եմ ու այդ հարցում ոչ ավանդական: Կարծում եմ՝ ներքին փոփոխությունները արտաքինի հետ պետք է կապ չունենան: Եթե ես փոխում եմ վարսերիս գույնը մեկ ամիսը մեկ, ուրեմն դա չի նշանակում, որ իմ կյանքում եւս ամիսը մեկ ինչ-որ բաներ եմ փոփոխում: Իմ ոճային փոփոխությունները ուղղակի կապված են սեզոնային ու տրմադրության փոփոխության հետ: Որպես կին՝ սիրում եմ փոփոխություններ, որովհետեւ, ճիշտ է, ես ինձ շատ սիրում եմ, երբ նայում եմ հայելու մեջ, բայց, ըստ իս, կնոջ համար հաճելի են արտաքնային նորությունները: Այս պահին շիկահեր եմ, բայց պետք է ասեմ, որ սա առաջիկա ոճիս ընթացքի արդյունքն է, շուտով վարսերս կլինեն ավելի սպիտակին մոտ երանգով, ինչը հիմա շատ ակտուալ է: Հուսամ, որ նոր ոճափոխությունը ինձ հաջողություն կբերի ու այդ վարսերի գույնն ինձ չի ծերացնի, քանի որ հոգիս, միեւնույն է, երիտասարդ է:

Անի, կնոջ կյանքում առանձնահատուկ տեղ ունի տղամարդը, ընտանիքը, երեխան... այսամենն ունենալն, իհարկե, ճակատագրի ձեռքերում է, բայց շատ հաճախ մենք ինքներսարհեստական խոչընդոտներ ենք ստեղծում մեր վախերով, մեր բծախնդրությամբ: Երբեւէմտածե՞լ եք այս հարցի շուրջ, այս առումով ներքին անհանգստություն չունե՞ք:

- Տղամարդը, ընտանիքը, երեխան, իհարկե, առանձնահատուկ տեղ ունեն, բայց այն դեպքում, երբ խոսքը իդեալական ընտանիքի մասին է՝ իր թերություններվ: Հիմա, ցավոք, շատ բաներ է փոխվել, եւ մենք էլ, այդ ամենին ականատես լինելով, ինչպես նշեցիք, ունենք վախեր: Բացի այդ վախերը, տարիքի հետ կապված փոխվում է մտածելակերպդ ու արժեհամակարգդ, եւ դրանից ելնելով էլ ընտանիք կազմելու հարցը բարդանում է: Ասում են՝ պետք է սիրահարվելուց հետո շուտ ամուսնանալ, որպեսզի շատ բաներ չնկատես, իսկ երբ չի ստացվում շուտ ամուսնանալ, ապա տարիքի հետ շատ ավելին ես նկատում ու հասկանում: Արդյունքում գալիս ես այն մտքին, որ քեզ ոչ մեկ պետք չէ: Իհարկե, ինքս էլ երբեմն այդպես եմ մտածում, բայց նաեւ խորապես գիտակցում եմ ընտանիք կազմելու կարեւորությունը: Տեսակով ես այնպիսինն եմ, որ սիրում եմ ամեն հարցում իդեալական իրավիճակ եւ դա վերաբերվում է նաեւ ընտանիքին: Եթե այս հարթության մեջ կան թերություններ, ապա ինձ համար ավելի լավ է չլինի այդ ընտանիքը: Ես երբեք չեմ կարողանա հասկանալ այն տղամարդակնց, ովքեր ամուսնանալուց հետո դավաճանում են իրենց կանանց ու համարում են, որ իդեալական ընտանիք ունեն: Ես չեմ հասկանում այն կանանց, ովքեր ամուսնանում են չսիրելով ու կարողանում են մինչեւ կյանքի վերջ դավաճանելով մնալ նրա կողքին: Հավատացեք՝ նման բոլոր ընտանիքների երեխաներն ունեն ներքին հոգեբանական խնդիրներ: Այս ամենը չէի կարող գիտակցել 20 տարեկանում, բայց երբ կյանքդ ապրում ես ու ոչ միայն լսում ես, այլեւ տեսնում ու զգում, ապա շատ ավելին ես գիտակցում: Երբեւէ չեմ հասկացել այն զույգերին, ովքեր իբրեւ թե հանուն երեխաների գնում են զոհաբերության ու շարունակում են ապրել չստացված ընտանիքում: Ես երբեք չեմ հայտնվի այդ իրավիճակում: Այս պատճառով իմ կյանքում ամուսնություն կլինի այն ժամանակ, երբ զգամ, որ այդ տղամարդուն ուզում եմ իմ ողջ կյանքում տեսնել, եւ ես էլ իր համար կլինեմ օրինակելի կին: Ես ունեմ օրինակելի կնոջ նախապայմանները, պարզապես ամեն մեկին այն չեմ ուզում շռայլել:

Անի, դուք կայացած երգչուհի եք, ունեք ճանաչում, սեր, երկրպագուներ: Ի՞նչ երազանքունեք, որ այդպես էլ անկատար է մինչ օրս ու դուք շարունակում եք պայքարել՝ դրանհասնելու համար:

- Յուրաքանչյուր թվացյալ կայացած մարդու համար կան շատ-շատ երազանքներ, որոնք ինձ համար նպատակային են: Իհարկե, կարող եմ շատ առումով ինձ կայացած համարել, բայց դեռ շատ երիտասարդ եմ ու անելիքներ էլ շատ կան, այնպես որ բազում կետեր կան իմ կյանքում, որոնք դեռեւս անկատար են: Նպատակներս շատ են, որոնց իրագործման համար պետք են կյանքիս տարիներն ու մի փոքր ավելի շատ աշխատասիրություն: