Եթե կա սեր, կա նաև բաժանում. Նառան անկեղծանում է լռության, ամուսնու մասին և ոչ միայն

ՖՈՏՈ 12 Մարտ, 2017 20:05

Asekose.am-ը գրում է.

Երեկ` Կանանց միջազգային օրվա կապակցությամբ, երգչուհի Նառան տևական դադարից հետո ներկայացրեց իր նոր` «Սեր և բաժանում» երգի հիման վրա նկարահանված տեսահոլովակը: Asekose.am-ը զրուցել է երգչուհու հետ երգի և տեսահոլովակի ստեղծման պատմության, տևական լռության պատճառի, դստեր սպասվելիք հարսանիքի մասին և ոչ միայն:

«Երաժշտությունը գրել է երգահան Արթուր Գրիգորյանը, խոսքերի հեղինակն Անիտա Հախվերդյանն, գործիքավորումն արել է Արա Թորոսյանը, տեսահոլովակի ռեժիսորը Հրաչ Քեշիշյանն է: Տեսահոլովակը նկարահանվել է Ջերմուկի հայտնի հանքային ջրերի ցուցասրահում: Այնպիսի գեղեցիկ ռակուրսով է նկարահանվել, որ կարծես Իտալիան լինի: Ջերմուկում նկարահանելու գաղափարը եղել է հենց Հրաչ Քեշիշյանինը: Ես միշտ աշխատում եմ իմ ընկերների հետ, ամեն մարդ անում է իր գործն ազնվորեն, դրա համար սա կոչվում է թիմային աշխատանք: Տեսահոլովակը նկարահանվել է նոյեմբերի վերջին, երբ փորձում էինք վերջին արևները «գողանալ»: Շատ ցուրտ եղանակ էր, նկարահանումից 2 օր հետո արդեն ձյուն տեղաց: Սակայն այդ ամենը ոչ մի ազդեցություն չունեցավ մեր աշխատանքի և տրամադրության վրա, ստացել ենք այնպիսի կադրեր, որոնք շատ տաք ու լավ եղանակի պատրանք են ստեղծում։ Այդ օրերին առաջնորդվել ենք «Գեղեցկությունը զոհեր է պահանջում» հայտնի թևավոր խոսքով (ժպտում է): Տեսահոլովակը նայելիս մարդիկ երբեք չեն կարող մտածել անգամ, որ մարդիկ այնտեղ մրսել են»,- զրույցի ընթացքում պատմեց Նառան:

Անդրադառնալով այն փաստին, որ երգի վերնագրից շատերը մտածում են, որ այն տխուր բովանդակություն ունի, երգչուհին նշեց. «Վերնագրից կարելի է մտածել՝ տխուր ավարտ ունի, բայց ուրախ երգ է։ Իմ կարծիքով` եթե կա սեր, կա բաժանում, իսկ եթե կա բաժանում, հետևից կա նաև սեր: Բաժանումից հետո սիրո նոր սկիզբ է գալիս, կյանքը շարունակվում է։

Նկարահանման ընթացքում եղել են նաև զավեշտալի դեպքեր, ինչը թույլ չի տվել երգչուհուն ու ստեղծագործական խմբին զգալ եղանակային ցուրտ պայմանները.

«Մենք նկարահանում էինք տաք ջրերի մոտ, որտեղ մարդիկ պետք է գային և ջուր խմեին: Նրանք ստիպված էին լինում ժամերով սպասել և հետևել մեր աշխատանքին: Ամեն անգամ, երբ երգում էի, նրանք նոր լսածի պես բուռն ծափահարում էին`կարծես առաջին անգամ էին լսում: 20 անգամ երգում էի, այդքան անգամ նրանք ծափահարում էին։ Այդ ամենը շատ հետաքրքիր էր»:

Նկարահանման ընթացքում երգչուհին նաև անակնկալ նվեր է ստացել.

«Ինչպես գիտեք, այնտեղ պատերին կտավներ են փակցված, Հրաչ Քեշիշյանը նկարիչներից մեկին խնդրեց, որ նկարահանման ընթացքում հանի, նա էլ շատ նեղվել էր, բայց ավարտին մոտեցավ ու ինձ նվիրեց իր գեղեցիկ նկարներից մեկը՝ հենց այդ պատկերասրահի տեսքով: Ես այն մեծ հաճույքով կախեցի մեր տանը, որովհետև այն, ինչը սրտանց է նվիրվում, իր մեջ մեծ դրական էներգիա է պարունակում»:

Անդրադառնալով ընտանիքի անդամների, հատկապես ամուսնու արձագանքին` Նառան նշեց.

«Իմ ընտանիքի անդամներն իմ ամենամեծ քննադատներն են, երբեք գրեթե ոչինչ չեն հավանում, բայց այս անգամ ամեն ինչ հավանել էին: Ամուսինս իմ ամեն երգ չէ, որ հավանում է: Անկեղծ ասած` լսում եմ բոլորի կարծիքները, բայց մնում եմ իմ կարծիքին, որովհետև ես իմ կյանքում միշտ արել եմ այն, ինչ ինքս եմ ուզել: Բնականաբար, հնարավոր է , որ ոմանք չհավանեն, ես բոլոր քննադատությունները լոշսում եմ, նորմալ ընդունում եմ, բայց մնում եմ իմ կարծիքին»:

Մեր այն հացին` ինչո՞վ էր պայմանավորված Նառայի ստեղծագործական տևական դադարը, և արդյո՞ք լռության պատճառով չի վախեցել կորցնել իր հանդիսատեսին, երգչուհին նշեց.

«Չէի ուզում շատ իմաստալից, տխուր երգեր ներկայացնել, ուզում էի, որ ուրախ, դրական երգեր ներկայանել մարդկանց, քանի որ հասկացա, որ մեզ հիմա միայն դրական ու թեթև բաներ են պետք: Մարդիկ այնքան հոգսեր ունեն, որ իրենց միայն ուրախ երգեր են պետք: Եթե որևէ անձի սիրում են, ուրեմն սիրում են, եթե չեն սիրում, ուրեմն` չեն սիրում: Նման խնդիր չեմ ունեցել իմ առջև դրած, քանի որ ամեն մարդ ունի իր սիրողն ու չսիրողը, լռելն ու չլռելը կապ չունեն; Նոր երգ ունեմ, որն ընթացքի մեջ է, աշնանը կակտիվանամ, հավանաբար, աշնան վերջ արդեն պատրաստ կլինի»:

12735945_1077099565645010_691925083_n

Երգչուհին այս շրջանում զբաղված է շատ հաճելի գործով.

«Ամռանը աղջիկս կամուսնանա, պատրաստվում ենք այդ իրադարձությանը, կարող եմ ասել, որ պասիվությունս դրանով է արդարացվում»:

Թեև Նառան Մարտի 8-ի կապակցությամբ բազմաթիվ անակնկալներ և ծաղիկներ է ստացել, այնուամենայնիվ, ամենամեծ նվերն ինքն է իր համար արել:

«Մարտի 8-ին ինքս ինձ նվեր արեցի` այս տեսահոլակիի տեսքով, որովհետև այն դեռ պետք է փետրվարին լիներ, սակայն այնպիսի վատ ու մռայլ եղանակ էր, չեր համապատասխանում երգի ու տեսահոլովակի տրամադրությանը, այդ պատճառով էլ Մարտի 8-ին եղավ պրեմիերան: Իհարկե, ծաղիկներ ստացա ամուսնուցս , տղայիցս, հարսիցս ու փեսայիցս, սակայն, նախևառաջ, երեկ ինքս ինձ համար տոն ստեղծեցի»,- Asekose.am-ի հետ զրույցում նշեց Նառան: