«Վերջը չեմ սիրում, թող վերջ չլինի». Արսեն Սաֆարյան

Exclusive

 

Past.am-ի բլից հարցերին պատասխանում է սիրված երգիչ Արսեն Սաֆարյանը:

 

 

- Ձեր օրն սկսվում է...

- Սուրճով:

- Ո՞վ կամ ի՞նչն է Ձեր ոգեշնչման աղբյուրը:

- Հավատը, որ լավ է լինելու՝ թե՛ մեր կյանքում, թե՛ աշխատանքի մեջ:

- Գեղեցիկը Ձեզ համար...

- Դաստիարակությունն է, կրթությունը, ճաշակով ցանկացած երևույթ:

- Ու՞մ եք դիմում, երբ հուսահատ եք:

- Ինքս ինձ:

- Կյանքում երբեք չեք ների...

- Բանսարկությունը:

- Ձեր ամենամեծ հիասթափությունը...

- Եթե հասկանամ, որ երեխայիս չեմ կարող այս երկրում պահել:

 

- Մի բան, որի համար շատ եք ափսոսել...

- Ափսոսել չեմ սիրում, եթե ափսոսում էլ եմ, փորձում եմ հետո չկրկնել նույն սխալը:

- Ձեր կյանքի ամենառոմանտիկ հանդիպումը...

- Երգի թատրոնում կնոջս հանդիպելը:

- Երբ բարկացած եք...

- Աշխատում եմ չպոռթկալ:

- Ձեզ հասկանալու համար դիմացինը պետք է...

- Դե, մի քիչ խելացի լինի էլի:

- Ընտանի կենդանի ունե՞ք:

- Այո, շուն:

- Եթե լինեիք ամենազոր...

- Դա միակ բաներից է, որ չեմ հավատում:

 

- Հայրենիքը Ձեզ համար...

- Ծննդավայրից սկսած՝ մինչև ընտանիք:

 

- Ձեր կյանքի ամենամեծ ձեռքբերումը...

- Ընտանիքս, երեխաներս:

- Ամենաշատը երազում եք...

- Հայաստանի տնտեսական առաջընթաց և քաղաքացու բարեկեցիկ ապրելակերպ:

- Երբեք չեք փորձի...

- Երբեք չի կարելի ասել երբեք:

- Աշխարհի լավագույն վայրը Ձեզ համար...

- Տունս ու ծննդավայրս:

- Միշտ վախեցել եք...

- Որ երեխաներս իմ տեսակից չեն լինի:

- Մարդ, ով փոխել է Ձեզ...

- Մարդ չէ, կյանքն է, որ անընդհատ փոփոխում է մեզ, բայց ես միշտ աշխատել եմ ամեն ինչից լավագույնն ընտրել:

- Տանել չեք կարողանում, երբ...

- Չեղած տեղը գլուխ են գովում:

- Մի բառով բնորոշեք ինքներդ Ձեզ:

- Մարդ, ով փորձում է մարդ մնալ:

- Տարվա ո՞ր եղանակի հետ եք Ձեզ ասոցացնում:

- Կա՛մ գարուն, կա՛մ աշուն:

- Իր, որ միշտ Ձեզ հետ է...

- Ժամացույց, անձնագիր:

- Երջանկության Ձեր բանաձևը...

- Հավատն է վաղվա օրվա նկատմամբ:

- Առանց ինչի՞ չեք կարող ապրել:

- Չեմ մտածել:

 

- Ամենակարևորը՝ կյանքում…

- Արմատիդ մոտ լինելն ու տեսակդ պահպանելն է:

- Վերջին անգամ ե՞րբ եք արտասվել:

- Վերջերս:

- Այս պահին կուզենայիք...

- Շատ բաներ կուզենայի:

- Ձեր գերագույն նպատակն այս կյանքում...

- Էլի ստեղծագործել, էլի գրել և տեսնել երեխաներիս ինքնուրույն, կայացած:

- Ուրիշ ի՞նչ հարցի կցանկանայիք պատասխանել, որը չհնչեց:

- Ոչ մի հարցի էլ չէի ուզենա պատասխանել, որովհետև մեր կյանքում այնքա՜ն հարցեր կան:

- Եվ վերջում...

- Վերջը չեմ սիրում, թող վերջ չլինի...

 

Մարիամ Նալբանդյան