Գյումրու տարածքային փոստային բաժանմունքը միավորվել է Լոռու բաժանմունքին

Կառուցվածքային փոփոխության արդյունքում` Գյումրու տարածքային փոստային բաժանմունքը  սեպտեմբերի 30-ից միավորվել է Լոռու տարածքային փոստային բաժանմունքին: Շիրակի մարզի  98 փոստային բաժանմունքների գործունեությունը համակարգող կենտրոնն այսուհետ  հարևան մարզի տարածքային փոստային բաժանմունքի հետ կգործի Սպիտակում: Այն կկոչվի &laq uo;Հայփոստի  Հյուսիսային մասնաճյուղ»:  Այս մասին տեղեկացրեց «Հայփոստ» ՓԲԸ Գյումրու փոստային մասնաճյուղի տնօրեն Թորգոմ Գևորգյանը՝ փաստելով, որ այս փոփոխությունը, որն իր բնույթով օպտիմալացում կարելի է համարել,  իրականացվում  է` հիմք ընդունելով ընկերության  2015 թվականի սեպտեմբերի 10-ի դիտորդական խորհրդի որոշումը:

«Գյումրու տարածքային փոստային բաժանմունք»-ի աշխատակիցներին առաջարկվել է աշխատանքի տեղափոխվել Սպիտակ, սակայն վերջիններս հրաժարվել են, քանի որ ամեն աշխատանքային օր  մոտ 60 կմ ճանապարհ գնալ ու գալ, անշուշտ, դժվար է, հատկապես, երբ բաժանմունքի աշխատակիցների միջին աշխատավարձը կազմում է 55-60 հազար դրամ:  Նրանցից 13-ն արդեն այս պահից աշխատանքից ազատված են»,-նշեց  Թորգոմ Գևորգյանը՝ չհերքելով, որ այս փոփոխության արդյունքում, բացի գործազուրկների շարքը համալրած նոր աշխատակիցներից  կառաջանա  փոստային ծառայությունների՝  մամո ւլի, նամակների, ծանրոցների` Գյումրի ժամանակին հասնելու խնդիրը: «Կառուցվածքային այս փոփոխության արդյունավետության մասին հնարավոր կլինի խոսել միայն ժամանակի ընթացքում: Ի դեպ,  Գյումրու տարածքային փոստային բաժանմունքն ուներ սփական կառույցը, իսկ Սպիտակում բաժանմունքը գործում է վարձակալած տարածքում»,-նշեց Թորգոմ Գևորգյանը՝ ավելացնելով, որ այս փոփոխությունը չի վերաբերում մարզի տարածքում գործող մնացած  փոստային բաժանմունքերին: