Թրամփի վարկանիշն ԱՄՆ-ի ընտրողների շրջանում ընկել Է մինչեւ ռեկորդային ցածր ցուցանիշ

 ԱՄՆ-ի նախագահ Դոնալդ Թրամփի գործունեության հավանության վարկանիշն ամերիկացի ընտրողների շրջանում ընկել Է նրա պաշտոնակալությանից ի վեր  ռեկորդային ցածր ցուցանիշ: Այդ մասին, ինչպես տեղեկացնում Է «Արմենպրես»-ը, վկայում են Գելլապի ինստիտուտի վերջին տվյալները: 

Մարտի 19-ին ԱՄՆ-ի չափահաս բնակչության շրջանում Թրամփին ցուցաբերվող աջակցությունը նվազել Է մինչեւ 37 տոկոս այն դեպքում, երբ նրա աշխատանքին հավանություն չի տվել հարցվածների 58 տոկոսը: 

Դեռ մեկ շաբաթ առաջ ԱՄՆ-ի նախագահի վարկանիշը կազմում Էր 45 տոկոս:

Գելլապի ինստիտուտի հարցմանը մասնակցել են 1500 չափահաս ամերիկացներ: Ինստիտուտի կողմից անցկացվող հարցումների վիճակագրական անճշտությունը չի գերազանցում 3 տոկոսը:  

Դոնալդ Թրամփի երդմնատվության արարողությունից անմիջապես հետո անցկացված հարցումը ցույց Էր տվել, որ նրան հավանություն Էին տալիս եւ հանվանություն չԷին տալիս հավասար քանակությամբ հարցվածներ՝ 45-ական տոկոս: Նախագահի պաշտոնում Թրամփի գործունեության հավանության ցուցանիշն առավելագույն մեծության Է հասել հունվարի 25-ին եւ 26-ին՝ 46 տոկոս:

Գելլապի ինստիտուտի փորձագետները գտնում են, որ Սպիտակ տան ղեկավարի վարկանիշի անկման վրա ազդել են գլոբալ տաքացման վերաբերյալ  նրա արած հայտարարությունները, ինչպես նաեւ գովեստի խոսքերը Ռուսաստանի նախագահ Վլադիմիր Պուտինի հասցեին եւ այն պնդումները, թե Բարաք Օբաման արտոնել Է նրա կենտրոնակայանի գաղտնալսումը «Թրամփ-Թաուեր» նյույորքյան երկնաքերում: