Կիվիից օգտակար միրգ գոյություն չունի. ուսումնասիրություն

Կիվիի պտուղները իրենց հատկություններով շլացրել են գիտնականներին: Ճապոնացի գւտնակնները գտնում են, որ կիվիից օգտակար միրգ չկա: Նրանք ուսումնասիրել են բազմաթիվ մրգեր և եզրակացրել, որ կիվին իր օգտակարությամբ գերազանցում է նարնջին, խնձորին, լիմոնին և մյուսներին: Պարզվում է՝ ամենաօգտակարը դեղին կիվին է, չնայած մեզ ծանոթ կանաչը ևս պակաս չէ: Գիտնականները փորձարկում են արել: Նրանք մի քանի կամավորի առաջարկել են օրական ուտել երեք կիվի և հետևել են նրանց ինքնազգացողությանը, ինչը հոյակապ է եղել:

Գիտնակնները դա բացատրում են կիվիի մեջ պարունակող մեծ քանակի անտիօքսիդանտներով: Կիվինկարող է կանխել այնպիսի մահացու հիվանդություններ, ինչպիսիք են աթերոսկլերոզը, սրտի անբավարարությունը, Ալցգերմերի հիվանդությունը, քաղցկեղը և Պարկինսոնի հիվանդությունը:

Կիվին լավացնում է նյութափոխանակությունը, կարգավորում է նյարդային համակարգի աշխատանքը ծանրաբեռնված մտավոր և ֆիզիկական աշխատանքի դեպքում։ Կարգավորում և կայունացնում է սրտի գործունեությունը, կանխարգելում է հիպերտոնիայի և սրտի անբավարարության առաջացումը և զարգացումը։ Շատ քչերը կմտածեն, որ կիվին կեղեւով ուտելն օգտակար է, սակայն այդ թավամազ կեղեւը պարունակում է ավելի մեծ քանակությամբ հակաօքսիդանտներ եւ վիտամիններ, քան մրգի «մարմինը»։ Ի դեպ, կիվիի մյուս առանձնահատկությունն այն է, որ պահածոյացնելուց հետո նրա օգտակար հատկությունները պահպանվում են։ Սակայն միեւնույն է, մենք խորհուրդ ենք տալիս ուտել թարմ կիվի։

Անի Գևորգյան