Հայաստանը տարածաշրջանում առաջինն է, որ նախագծում է գերհամակարգչային կենտրոն

Տարածաշրջանում Հայաստանն առաջին է, որ նախագծում է հիմնել ազգային գերհամակարգչային կենտրոն, որը կբավարարի պետական, գիտական և սոցիալական խնդիրների լուծմանը: Սեպտեմբերի 29-ին «Հայաստանի ազգային գերհամակարգչային կենտրոնի հիմնադրում» կլոր սեղան քննարկմանը լրագրողների հետ զրույցում ասաց ՀՀ ԳԱԱ Ինֆոր մատիկայի և ավտոմատացման պրոբլեմների լաբորատորիայի վարիչ, Հայկական վիրտուալ աստղադիտարանի տեխնիկական  ղեկավար Հրաչյա Ասատրյանը:

«Գերհամակարգչային կենտրոնը հնարավորություն կունենա լուծելու այնպիսի բարդ խնդիրներ, ինչպիսիք են կլիմայի փոփոխության, եղանակի կանխատեսումը, շրջակա միջավայրի պահպանությունը և այլն: Նախատեսվում է կենտրոնը կառուցել ԳԱԱ-ին կից ու տեղակայել Ինֆորամտիկայի և ավտոմատացման պրոբլեմների ինստիտուտում»,-նշեց նա:

 ՀՀ ԳԱԱ նախագահ Ռադիկ Մարտիրոսյանն էլ հավելեց, որ Հայաստանը հանդիսանում է համակարգչագիտության առաջատար երկրներից մեկը, և այստեղ ևս պետք է լինի լուրջ հնարավորություններով գերհամակարգչային համակարգ: «Համակարգը պետք է  ունենա այնպիսի  հնարավորությունններ, որ կարողանա լուծել համակարգչային ոլորտի բազմաթիվ խնդիրներ՝ գիտական, մոդելավորման, հատկապես այսօր շատ արագ զարգացող կենսաբանական ինֆորմատիկայի խնդիրները , որոնք անմիջապես կախված են համակարգչային խոշոր ծրագրերի օգտագործման հետ: Մեր երկրի համակարգչագիտությունն  արդեն& nbsp; հասել է այն մակարդակին, որ ընդհանուր զարգացումը կախված է նաև խոշոր համակարգչային կենտրոնների ստեղծումից»,-ասաց նա:

2016 թվականին նախատեսվում է Երևանում ստեղծել բարձր արտադրողականության հաշվարկային տեխնոլոգիաների գերհամակարգչային կենտրոն, որն իրենից ներկայացնում է հզոր համակարգչային միջոց, ունակ լուծելու համակարգչագիտության ոլորտում հանդիպող  բազմաթիվ խնդիրներ: