Ամենահամեղ դիետան. մինուս 5 կիլոգրամ՝ 3 օրվա ընթացքում

ԼԱՅՖ 22 Մարտ, 2017 20:13

168.am-ը գրում է, որ այս դիետան օգնում է կարճ ժամանակահատվածում ազատվել մի քանի կիլոգրամից՝ քիչ քանակով կալորիաների օգտագործման հաշվին։ Բայց քանի որ հիմնական բաղադրիչը կարտոֆիլն է, բավական երկար ժամանակ հագեցածության զգացում կունենաք։

Դիետան նախատեսված է 3 օրվա համար, որի ընթացքում կարող եք ազատվել շուրջ 5 կիլոգրամից։ Կարտոֆիլը վիտամիններ, հանքանյութեր, ինչպես նաև բջջանյութ է պարունակում, որոնք արագացնում են նյութափոխանակության պրոցեսն ու աղիների աշխատանքը։ 100 գրամ կարտոֆիլը 75 կալորիա է պարունակում։ Դիետայի ընթացքում օգտագործվում է նաև ցածր յուղայնությամբ կեֆիր, որը կարգավորում է նյութափոխանակության համակարգը, օրգանիզմից դուրս բերում ավելորդ հեղուկն ու տոքսինները և մյուս անպետք նյութերը։

Առաջին օր
Նախաճաշ՝ 1 խաշած կարտոֆիլ՝ առանց աղի, և 1 բաժակ յոգուրտ
Ճաշ՝ 2 խաշած կարտոֆիլ՝ առանց աղի, 1 բաժակ յոգուրտ
Ընթրիք՝ 2 բաժակ յոգուրտ

Երկրորդ օր
Նախաճաշ՝ 1 բաժակ յոգուրտ
Ճաշ՝ 2 խաշած կարտոֆիլ՝ առանց աղի, 1 բաժակ յոգուրտ
Ընթրիք՝ 2 բաժակ յոգուրտ

Երրորդ օր
Նախաճաշ՝ 1 խաշած կարտոֆիլ՝ առանց աղի
Ճաշ՝ 1 խաշած կարտոֆիլ՝ առանց աղի, 1 բաժակ յոգուրտ
Ընթրիք՝ 1 բաժակ յոգուրտ

Ուշադրություն։ Դիետան բավական խիստ է, և խորհուրդ չի տրվում այն անձանց, ովքեր ֆիզիկապես ակտիվ են և առողջության հետ կապված խնդիրներ ունեն։ Հարկավոր չէ դիետային հետևել երեք օրից ավելի։

Նյութը հրապարակման պատրաստեց 168.am-ը