Քաղաքացիների մեծ մասը ընտրություններից հետո Կարեն Կարապետյանին կրկին ուզում է տեսնել վարչապետի պաշտոնում. հարցում

Gellup international Association ընկերությունը քարոզարշավի մեկնարկից հետո հարցումներ է անցկացրել քաղաքացիների շրջանում: Ընկերության ներկայացուցչության տնօրեն Արամ Նավասարդյանը հարցման արդյունքների ներկայացման ժամանակ նշել է, որ ՀՀ վարչապետ Կարեն Կարապետյանը բավական մեծ վարկանիշ ունի հարցվածների շրջանում: «Կարեն Կարապետյանի գործելաոճին դրական է վերաբերվում քաղաքացիերի 81%-ը, հարցվածների 82,8%-ն էլ ցանկանում է  2017թ. խորհրդարանական ընտրություններից հետո Կարեն Կարապետյանին կրկին տեսնել վարչապետի պաշտոնում»,- «Արմենպրես»-ի հաղորդմամբ՝ ասաց նա:

Նավասարդյանը նշեց, որ նոր ձևավորված կառավարության կատարած աշխատանքը վերջին 6 աﬕսների ընթացքում քաղաքացիների 59,4%-ը դրական է գնահատել: Ինչ վերաբերում է  այն 3 ոլորտներին, որոնց հիﬓախնդիրներով ըստ հարցվածների պետք է զբաղվի ՀՀ վարչապետ Կարեն Կարապետյանը, քաղաքացիները նշել են` աշխատատեղերը, տնտեսությունն ու կոռուպցիան: «ՀՀ վարչապետ Կարեն Կարապետյանի նշանակուﬕց հետո հասարակության մոտ ձևավորվել էր դրական սպասուﬓերի ֆոն: Մեր քաղաքացիների 62.2%-ը արդարացված է համարում  կառավարման 6 աﬕսների ընթացքում ձեւավորված սպասուﬓերը»,-ասաց նա:

Հայաստանի Հանրապետական կուսակցության (ՀՀԿ) քարոզարշավին ՀՀ վարչապետ Կարեն Կարապետյանի մասնակցությանը դրական է վերաբերվում հարցվածների 61,7%-ը:

Հարցումներն անցկացվել են մարտի 12-19-ը ընկած ժամանակահատվածում: Հարցմանը մասնակցել է 1145 մարդ մարզերից եւ համայնքներից: