Բնապահպանության փոխնախարարն օդերևութաբանության ոլորտում նոր ձեռքբերումներ է մաղթել ԱԻՆ աշխատակիցներին

ՀՀ բնապահպանության նախարարի տեղակալ Խաչիկ Հակոբյանը մասնակցել է Օդերևութաբանության համաշխարհային օրվա կապակցությամբ ՀՀ արտակարգ իրավիճակների նախարարությունում կազմակերպված միջացառմանը: Այս մասին «Արմենպրես»-ին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից:

Ողջույնի խոսքում ՀՀ արտակարգ իրավիճակների նախարար Դավիթ Տոնոյանը տոնի առթիվ շնորհավորել է «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» ՊՈԱԿ­ի աշխատակիցներին և ոլորտի մասնագետներին:

ՀՀ բնապահպանության նախարար Արծվիկ Մինասյանի և նախարարության աշխատակազմի անունից շնորհավորելով ՀՀ արտակարգ իրավիճակների նախարարության աշխատակիցներին Օդերևութաբանության համաշխարհային օրվա կապակցությամբ` նախարարի տեղակալ Խաչիկ Հակոբյանը մաղթել է նոր ձեռքբերումներ ոլորտում ծավալած գործունեութան մեջ:

«Ձեր աշխատանքն մեծ նշանակություն ունի մեր քաղաքացիների առողջության և անվտանգության, մեր երկրի բնապահպանական վիճակի բարելավման համար: Վստահաբար կարելի է ասել, որ չկա որևէ ոլորտ, որտեղ ձեր կանխատեսումների կարիքը չզգացվեր: Օդերևութաբանների տվյալները օգնում են կանխարգելել և վերացնել բնական անբարենպաստ երևույթները և դրանց հետևանքները»,- նշել է ՀՀ բնապահպանության նախարարի տեղակալը: Խաչիկ Հակոբյանը կարևորել է երկու գերատեսչությունների առանձին ստորաբաժանումների, մասնավորապես` «Հիդրոօդերևութաբանության և մթնոլորտային երևույթն երի վրա ակտիվ ներգործության ծառայություն» ՊՈԱԿ­ի  և ՀՀ ԲՆ ‹‹Զվարթնոց ավիաօդերևութաբանական կենտրոն›› ՓԲԸ-ի երկարամյա արդյունավետ համագործակցությունը:

ՀՀ ԱԻՆ հիդրոօդերևութաբանության և մթնոլորտային երևույթների վրա ակտիվ ներգործության ծառայության տնօրեն Լ. Վարդանյանը ներկայացրեց ոլորտի ձեռքբերումները:

Ողջույնի խոսքով հանդես  են եկել պետական, գիտական և հասարակական կազմակերպությունների ներկայացուցիչներ և մասնագետներ: