Վեց նախանշան, որ ձեր հարաբերությունները լուրջ չեն

Style.news.am-ը գրում է.

Որոշ տղամարդիկ կամ պարզապես պատրաստ չեն ընտանիք կազմել, կամ նրանց կյանքում դեռ լուրջ հարաբերություններ սկսելու շրջանը չէ, կամ սրանք ուղղակի պատրվակներ են։

Նա պատասխանատվություն չի կրում նույնիսկ մանրուքների համար։ Իհարկե, բոլորի կյանքում էլ պատահում են դեպքեր, երբ ստիպված եք լինում ինչ-որ հանդիպումներ հետաձգել, ինչ-ինչ պատճառով ուշանում եք։ Սակայն եթե տղամարդը մշտապես ցրված է, իր քայլերի եւ խոսքերի համար պատասխանատվություն չի կրում, ուրեմն նա լուրջ հարաբերությունների ընդունակ չէ։

Եթե դուք հանդիպել եք երրորդ անգամ, բայց նա սկսել է խոսել ամուսնությունից, ուրեմն նա չկայացած եւ ոչ հասուն անձնավորություն է, որոնց սիրահարվածությունը շատ շուտ մարում է։ Նա վաղ թե ուշ փախչելու է։

Դուք առաջինն եք, ում հետ նա հանդիպում է լուրջ հարաբերություններից հետո։ Իհարկե, բացառություններ լինում են, բայց հիմնականում նման հարաբերությունները լուրջ ընթացք չեն ստանում, քանի որ կրկին հիասթափվելու հավանականությունը շատ մեծ է։ Տղամարդուն դեռ ժամանակ է հարկավոր։

Նա ակնդետ նայում է իր կողքով անցած ցանկացած կնոջ։ Հասկանալի է, որ եթե տղամարդը ակնդետ նայում է կնոջը եւ հայացքով ուղեկցում նրան, հանցագործություն չէ։ Բայց եթե այս երեւույթը նրա մոտ հաճախակի բնույթ ունի, ուրեմն պետք է զգուշանալ։

Դու նրա առաջնահերթությունների ցանկում չես։ Իհարկե, խոսքը աշխատանքային ժամերի մասին չէ։ Եթե նա իր ազատ ժամանակը նախընտրում է անցկացնել ընկերների հետ եւ մոռանում է  ձեր մասին, ուրեմն դու նրա համար մղձավանջ ես։

Նա ասում է, որ լուրջ հարաբերությունների պատրաստ չէ։Չգիտես ինչու, այս պարագայում բոլոր աղջիկները ակնկալում են, որ ժամանակի ընթացքում տղամարդը կարող է փոխվել։ Սակայն սա կարող է տեւական ժամանակ պահանջել։ Եթե դուք պատրաստ եք այս փորձությանը, ուրեմն մնում է սպասել։