Կին, ով կարդում է. Շուշանիկ Արևշատյան

ԼԱՅՖ 25 Մարտ, 2017 11:32

Wnews.am-ը շարունակում է հարցազրույցների շարքը, որի շրջանակում հայտնի կանանց հետ զրուցում ենք բացառապես գրքերի մասին։

Այս անգամ մեր զրուցակիցը «Ռադիո Վան» ռադիոկայանի տնօրեն Շուշանիկ Արևշատյանն է: Գրքերը Շուշանիկ Արևշատյանի կյանքում մեծ դեր ունեն՝ սիրում է կարդալ և շատ է կարդում: Երազում է գիրք գրելու մասին.« Պիտի գնամ մի կղզի, մեկ տարով փակվեմ այնտեղ, որ ինձ չխանգարեն ու գրեմ գիրքս»,-ասում է նա:

–Հիշո՞ւմ եք Ձեր առաջին գիրքը: Քանի՞ տարեկան էիք, երբ կարդացիք:

-Սկսել եմ կարդալ շատ վաղ հասակից: Առաջին գիրքը, որ հիշում եմ՝ շատ էր տպավորվել Մերի Մեյպ Դոջ . «Արծաթե չմուշկներ»:

– Տարիքի հետ ինչպե՞ս է փոխվել գիրք կարդալու Ձեր ժանրային նախասիրությունները։

-Կարդացել եմ ամբողջ կյանքում, գիրքն իմ անբաժան մասն է: Երբ ավելի երիտասարդ է անվերջ կարդում էի ռուսական գրականության և համաշխարհային գրականության դասականներին: Հետո դա օգնեց հասկանալ սեփական նախընտրություններս, ապա՝ ամերիկյան և եվրոպական գրականություն, արդեն՝ ժամանակակից:

– Հեղինակներ, որոնց գրքերը հետևողական, իրար հաջորդելով կարդացել եք:

-Ամենասիրած հեղինակներիս ՝ Կորտասար , Բորխես, Սարմագո, Մարկես:

– Գրքեր, որոնք կիսատ եք թողել և ինչու:

-Երբևէ կիսատ չեմ թողնում գրքերը, ընդհակառակը՝ պարբերաբար վերաընթերցում եմ դրանք:

– Գրքի հերոսուհիներ, կերպարներ, որոնց մեջ Ձեզ տեսնում եք,նմանեցնում եք:

-Սովորաբար կանանց չեմ նմանեցնում, ավելի շատ՝ տղամարդ հերոսներին: Ունեմ հավաքական կերպար, որը ստեղծված է տարբեր հերոսներից : Իմ մեջ տեսնում եմ խենթություն Դոստաևսկու հերոսներից, ռոմանտիզմ ՝ Ռիչար Բախի հերոսներից և այլն:

– Ձեր կարդացած սիրո պատմությունը, որին հավատում եք:

– Ամենահզոր սիրո պատմությունը ինձ համար Տոլստոյի Աննա Կարենինան է: Ինձ համար դա անմրցելի է և իսկական սերն է:

– Գիրք, որի վերջաբանն այլ կերպ կգրեիք:

– Չկա այնպիսի գիրք, որի վերջաբանն այլ կերպ կգրեի, դա արդեն կլիներ իմ գիրքը:

–Գիրք, որը հիմնովին փոխել է Ձեր աշխարհայացքը։

-Իմ աշխարհայացքը փոխել և փոխում են այնպիսի հզոր հեղինակներ, ինչպիսիք են Սոզա Սարամագոն , հատկապես՝ «Կուրությունը» վեպը, Մարկեսը՝ հատկապես «Նահապետի աշունը»:

– Հիմա ի՞նչ գիրք եք ընթերցում:

-Իմպրեսինոիզմի մասին արվեստագետ Վոլկովայի «Կամուրջ անդունդի վրա» գիրքը:

–Երեք must- read գրքեր՝ Շուշանիկ Արևշատյանից:

1.Սարամագո «Կուրությունը»

2. Մարկես «Նահապետի աշունը»

3. Հերման Հեսսե «Հուլունքախաղը»