Շոկային փաստեր իրական Դրակուլայի մասին (լուսանկարներ)

Blog.1in.am-ը գրում է.

Մենք բոլորս էլ հիշում ենք Բրեմ Սթոքերի ստեղծած Դրակուլային: Այն գրականության ամենահայտնի վամպիրներից է: Սակայն նա նույնիսկ իր անվանակից Վլադ Ցեպեշի ստվերը չարժե, որը հայտնի էր իր «մարդասիրությամբ»:

Երկար տարիներ նա ամբողջ Վալախիան սարսափի մեջ էր պահում: Նա իր զոհերի արյունը չէր խմում, սակայն հազարավոր արյունոտ մահապատիժները, քաղաքի «անարժան» բնակիչների սպանդները և մարդկանց ցցի վրա հանելը նրա համար միանգամայն բնական էր, ինչն էլ հաստատում են 15-րդ դարի ձեռագրերը: Դրանց համաձայն՝ Ցեպեշը խելագար սադիստ էր, ով հաճույք էր ստանում իր զոհերին տանջելով:

Կիսվում ենք նրա մասին ձեռագրերի տվյալներով, որոնք մեր օրեր են հասել:

1. Դրակուլան հացը թաթախել է արյունով դույլի մեջ և կերել: 15-րդ դարի ձեռագիրը պատմում է այն մասին, թե ինչպես է նա իր տուն կանչել մի քանի հյուրերի, այնուհետև նրանց հենց սեղանի մոտ ցցի հանել: Որից հետո շարունակել է ընթրիքը՝ հացը թաթախելով նրանց արյան մեջ:

2. Դրակուլան վրեժ է լուծել հոր համար՝ հարյուրավոր մարդկանց սպանելով: Նա ոչ թե ուղղակի սպանել է նրանց, այլ ոչ սուր դանակներով բացել է նրանց որովայնները: Իր երիտասարդության մեծ մասը Վլադը թուրքական բանտում է անցկացրել, իսկ երբ ազատ է արձակվել, տեղեկացել է, որ հորը սեփական ժողովուրդն է դավաճանել, այդ թվում՝ նաև հարուստները, որոնց նա հետագայում հրավիրել է իր տուն և բոլորին սպանել:

3. Ցեպեշը նախընտրել է, որպեսզի իրեն Դրակուլա անվանեն, որ թարգմանաբար «վիշապի որդի» է նշանակում: Սակայն ժամանակի հետ ժողովուրդը նրան «Սատանայի որդի» է կոչել:

4. Դրակուլան հումորի լավ զգացում ուներ, սակայն բավական յուրահատուկ: Օրինակ՝ նա կատակում էր ցցի վրա տանջվող մարդկանց ջղաձգությունների մասին:

5. Ցից հանելը միակ մահապատիժն էր: Կարող է թվալ, թե Դրակուլան սովորական խելագար էր, որը միայն մարդկանց սպանելով էր զբաղված: Նրա հրամանով ցից էին հանում բոլոր հանցագործներին՝ թե մարդասպաններին և թե մեկ հաց գողացողին: Սակայն մի անգամ իր տարածքում հայտնված գնչուներից մեկին նա հրամայել է եփել եռման ջրի մեջ, իսկ թափառախմբի մյուս անդամներին ստիպել է ուտել նրա մարմինը:

6. Դրակուլան ազատվել է բոլոր աղքատներից և հիվանդներից՝ նրանց կենդանի-կենդանի վառելով: Մի անգամ նա բոլոր աղքատներին հրավիրել է իր տներից մեկը: Այն բանից հետո, երբ նրանք կուշտ կերել են, նա հրամայել է փակել բոլոր դռներն ու պատուհանները և այրել տունը: Երբեմն նա առանց պատճառի ամբողջ գյուղեր է վառել:

7. Հարյուրավոր սպանությունների օգնությամբ նա ամբողջովին վերահսկում էր իր ժողովրդին: Նա իր քաղաքի հրապարակում ոսկե գավաթներ էր դրել և հայտարարել, որ ցանկացողները կարող են խմել դրանցից, սակայն դրանք հրապարակից դուրս չպետք է գան: Այդ պահին քաղաքում 60 000 մարդ է բնակվել, սակայն նրա կառավարության օրոք այդ գավաթներին այդպես էլ ոչ ոք չի դիպչել:

8. Դրակուլան պայքարել է թուրքերի դեմ: Սակայն երբ նրանք սկսել են հաղթել, նա վառել է իր գյուղերը՝ ժողովրդի հետ միասին, թունավորել է ջրհորները, որպեսզի թուրքերը չկարողանան հանգստանալ գյուղերում և այնտեղ պաշար հավաքել:

9. Դրակուլայի մարմինը անհետացել է: Թուրքերի հետ պատերազմում Դրակուլան զոհվել է: Կարծիք կա, թե նրա մարմինը թաղվել է Բուխարեստի մերձակայքում գտնվող մենաստանում: Սակայն մարդիկ պնդում են, որ նրա մարմինը թաղվել է, սակայն հետագայում անհետացել է: