1 տարի առաջ` 2016 թ-ի այս օրը, մեր պատմությունը կրկնվեց և մեր հերոս զինվորները, ցավոք, իրենց արյան և կյանքի գնով կրկնապատկեցին հայի հաղթանակը

Մեկ տարի առաջ` ապրիլի 2-ին` այս չարաբաստիկ օրը, Արցախյան մարտադաշտում իրենց կյանքը հանուն հայրենիքի զոհեցին և հավերժացան մեր հերոսները. տարի է անցել և տղերքին ոչ ոք չի մոռացել: Ադրբեջանի կողմից հրահրված քառօրյա պատերազմին մեր զինվորները մեծ քաջությամբ և պատվով պաշտպանեցին հողը` հակառակորդին պարտադրելով հրադադար: Այդ տղաներն իսկապես արժանի են մեծ փառքի և հիշատակի, նրանց ընտանիքների նկատմամբ պետք է առավել ուշադիր լինել:

 

Հերոսները վերածնվեցին: Շատ ընտանիքներում փոքրիկներ ծնվեցին, ովքեր կնքվեցին հերոսների անուններով: Նահատակված քաջորդիների միակ սփոփանքը դարձել են նորածինները, ովքեր դառնալու են արժանի զավակներու ու շարունակելու են իրենց անվանակիցների կիսատ թողած գործերը:

 

Հիշեցնենք, որ Արարատի մարզի Դվին համայնքում կառուցվեց ցայտաղբյուր` ի հիշատակ ապրիլյան քառօրյա պատերազմում զոհված հերոսների:  Ցայտաղբյուրի բացումը տեղի ունեցավ 2016 թվականի ապրիլի 23-ին: Նախաձեռնության հեղինակը Ներքին Դվինի բնակիչ, 26-ամյա մի հայրենասեր երիտասարդ՝ Սոս Վարդանյանն է, ով թեպետ զոհերի շարքում չուներ բարեկամ ու ընկեր, սակայն գտնում է, որ բոլորիս պարտքն է տղերքի հիշատակը վառ պահելն ու գիտակցելը նրանց սխրագործության արժեքն ու նշանակությունը:

 

 

 

Նյութը հրապարակման պատրաստեց Past.am-ը:

Կիսվել