Կին պատգամավորներ, որոնց էլ չենք տեսնի նոր խորհրդարանում. լուսանկարներ

Wnews.am-ը գրում է

Wnews.am-ն արդեն ներկայացրել է նոր խորհրդարանի կին պատգամավորներին. նախնական տվյալներով, նրանք 15-ն են։

Նկատենք, որ Ազգային ժողովի առաջին գումարման 190 պատգամավորներից կանայք էին 11-ը, երկրորդ գումարման Ազգային ժողովի 131 պատգամավորներից կանայք էին ընդամենը 4-ը, երրորդ գումարման խորհրդարանում եղել է 7 կին պատգամավոր, չորրորդում՝ 11, իսկ հինգերորդ գումարման խորհրդարանում 14 կին պատգամավոր է ընդգրկվել։

Նախորդ գումարման խորհրդարանի կին պատգամավորներից ովքեր հրաժեշտ տվեցին իրենց մանդատին. Wnews.am-ը ներկայացնում է ստորեւ.

Նաիրա Կարապետյան.

Ժպտադեմ Նաիրա Կարապետյանը հինգերորդ գումարման խորհրդարանում պատգամավոր  էր Հանրապետական կուսակցության համամասնական ցուցակից։

Ծնվել է 1977թ. հոկտեմբերի 25-ին Գյումրիում:

1999թ. ավարտել է Երեւանի պետական համալսարանի արեւելագիտության ֆակուլտետի արաբագիտության բաժինը: Արեւելագետ – դիվանագետ: 2002թ.` ԳԱԱ արեւելագիտության ինստիտուտի ասպիրանտուրան: 2003-2011թթ. «Քաղաքական հմտությունների զարգացում» թեմայով մասնակցել է մի շարք ուսուցողական ծրագրերի, այդ թվում՝ Միջազգային ռազմավարական հետազոտությունների հիմնադրամ  (2005թ., Վրաստան), «Կոնրադ Ադենաուեր» հիմնադրամի ուսուցողական կենտրոն  (2009թ., Գերմանիա), Քենտի արքայազն Մայքլի հիմնադրամ (2011թ., Մեծ Բրիտանիայի Թագավորություն):

2003-2005թթ. եղել է ՀՀ ԱԺ պատգամավորի օգնական: 2005-2008թթ. աշխատել է ՀՀ սոցիալական ապահովագրության պետական հիմնադրամի (2008թ. հունվարից` ՀՀ ԱՍՀՆ սոցիալական ապահովության պետական ծառայություն) միջազգային համագործակցության եւ հասարակայնության հետ կապերի վարչության միջազգային ծրագրերի զարգացման եւ հանրային կապերի (PR) պատասխանատու: 2010-2012թթ.` ՀՀ ճանապարհային երթեւեկության անվտանգության ազգային խորհրդի քարտուղարության հանրային կապերի (PR) պատասխանատու (Համաշխարհային բանկ):

2010 թվականից «Կանանց ակումբ»-ի համահիմնադիր է:

2008 թվականից Միացյալ Ազատական Ազգային Կուսակցության (ՄԻԱԿ) անդամ է: 2009թ.` կուսակցության խորհրդի եւ քարտուղարության անդամ:
Հեղինակ է գիտական մի շարք աշխատությունների:
Ամուսնացած է, ունի մեկ դուստր:

Wnews.am-ին տված Նաիրա Կարապետյանի հարցազրույցը կարող եք կարդալ այստեղ։

Մարինա Մարաբյան.

Նախորդ գումարման պատգամավորներից Մարինա Մարաբյանին քչերը կհիշեն, քանի որ նա աչքի չէր ընկնում իր ակտիվությամբ, ելույթներով։ Մեր մեջ տպավորվել է միայն այն, որ նա պատգամավոր էր ընտրվել Վարդանյան ընտանիքի անդամների աջակցությամբ։