Բժշկի անկյուն. Կլիմաքս՝ քայլ դեպի նոր կյանք

«Կլիմաքս» բառը հունարեն նշանակում է «փուլ»: Վաղ թե ուշ բոլոր կանանց էլ սպառնում է կլիմաքս: Անհանգստանալ չարժե, սակայն պետք է պատրաստվել կյանքի նոր փուլին և յուրաքանչյուր կին պետք է նախապես իմանա, թե ինչ է սպասվում իրեն կլիմաքսի ժամանակ:

Past.am-ը ներկայացնում է կլիմաքսի նախանշանները և կանանց արձագանքը:

«Ամենից հաճախ կլիմաքսը սկսվում է 45-55 տարեկան կանանց մոտ եւ տեւում 1.5-2 տարի: Բայց լինում են դեպքեր, երբ այդ շրջանը սկսվում է ավելի վաղ կամ ուշ եւ ավելի երկար է տեւում: Կանայք կլիմաքսին արձագանքում են հետևյալ կերպ.

1. Պասիվ արձագանք (15-20%). կլիմաքսի ընդունումը որպես անխուսափելի երևույթ, որ բնորոշ է գյուղական վայրերի կանանց:

2. Ադեկվատ արձագանք (60-60%)` հորմոնալ և սոցիալական փոփոխությունների հարմարվողականություն: Քրտինքը կլիմաքսի ախտանիշերից մեկն է: Քրտինքը կարող է արագ արտադրվել, այնքան արագ, որ հագուստը թաց լինի:

3. Հիպերակտիվ արձագանք (5-10%). փոփոխության մերժումը բնութագրվում է նրանով, որ կանայք փորձում են արգելափակել ախտանշանները` ապրել լիարժեք կյանքով:

4. Նևրոտիկ ռեակցիա (8-15%), ծերացման «դիմադրություն», մի գործընթաց, որը հանգեցնում է նևրոտիկ ախտանիշերի:

Նախանշանները՝

Եթե անքնությունն է ձեզ հետապնդում արդեն մի քանի օր, պետք է դիմել բժշկի օգնությանը, որպեսզի վեդրջինս համապատասխան դեղորայքներ նշանակի:

Գլխացավ` կլիմաքսի սիմպտոմներից մեկն է: Գլխացավը կարող է լինել դեպրեսիայի, կամ էլ լարվածության հետևանք: Կլիմաքսի հետևանք կարող են լինել` օդի պակաս, հևոց, գլխապտույտ, երբեմն այն կարող է ուղեկցվել ականջների զնգոցով, սրտխառնոց, հազվադեպ փսխում, անհավասարակշռվածություն, սրտի ցավ, տրամադրության կտրուկ անկում, դյուրագրգիռություն, հոգնածություն, լարվածություն, մտահոգություն, ցրվածություն: