Տապալելով Ասադին Թրամփը կրկնելու է Բուշ–կրտսերի սխալները Մերձավոր Արևելքում

Արտյոմ Բալասանովը ֆեյսբուքյան իր էջում գրում է.

Ռուսաստանի նախագահ Վլադիմիր Պուտինը Միացյալ Նահանգների կողմից Սիրիայի օբյեկտների ուղղությամբ հարձակումն ինքնիշխան պետության դեմ հարձակում է համարում: Այս մասին լրագրողներին ասել է Կրեմլի պաշտոնական ներկայացուցիչ Դմիտրի Պեսկովը:

Իրանի ԱԳՆ-ի պաշտոնական ներկայացուցիչ Բահրամ Ղասեմի հայտարարել է, որ Իրանը խստորեն դատապարտել է Միացյալ Նահանգների զինված ուժերի կողմից սիրիական «Շայրաթ» ավիաբազայի հրթիռակոծումը։

Իրան–ՌԴ տանդեմ

ԱՄՆ–ի գործողությունները Սիրիայում ավելի են ամրապնդելու ՌԴ–Իրան դաշինքը Սիրիայում։ ՌԴ–ը և Իրանը Ասադի տապալումը թույլ չտալու համար ավելացնելու են ռազմական ներկայությունը Հմեյմիմում ու Լաթաքիայում`Մոսկվայի պարագայում, իսկ Իրանի պարագայում`շիական, իրանամետ տարբեր խմբավորումներ Իրանից կուղղորդվեն Սիրիա։ Հզբոլահը այս տարիներին բավականին մեծ կորուստներ է ունեցել և պետք է նոր համալրումներր ստանա Լիբանանից։ Ասադն այս պարագայում ստիպված կլինի հայտարարել ռազմական դրություն, համընդհանուր զոահավաք`զենք տրամադրելով 18-45 տարեկան տղամարդկանց։ Սակայն բանակը համալրելն այնքան էլ հեշտ չի լինի`շատերը խուսափում են կռվել Ասադի համար`բանակի կորիզը կազմում են ալևիները, սակայն այս հինգ տարիների ընթացքում ալևիները մեծ կորուստներ ունեցան`գրեթե յուրաքանչյուր ընտանիք այս պատերազմում ընտանիքի անդամ է կորցրել։

ԱՄՆ–ի «բազեները» տարածաշրջանում

ԱՄՆ–ի տարածաշրջանային դաշնակիցները`Թուրքիան, Իսրայելը, Սաուդյան Արաբիան իրենց աջակցություն են հայտնել Թրամփի գործողություններին Սիրիայում։
Իսրայելն ի դեմս Թրամփի ունի իսրայելամետ նախագահ`հրեական լոբբի ազդեցությունը նոր նախագահի վրա մեծ է, բացի այդ, Թրամփն ու Պենտագոնը որդեգրել են հակաիրանական քաղաքականություն տարածաշրջանում։ Իրանին թուլացնելու ջանքերը միավորել են Իսրայելին ու ԱՄՆ–ն։ Թուրքիան տարիներ շարունակ զինում է Ասադի հակառակորդներին`այժմ էլ նրանք ցանկանում են մնալ Սիրիայի հյուսիսում ստեղծված բուֆերային գոտում`թույլ չտալով Քրդստանի ձևավորում, ինչպես նաև տեղի թուրքմեններին պաշտպանելու պատրվակով ռազմաբազաներ կստեղծեն Սիրիայի հյուսիսում։
Սիրիայի հարևանները փորձում են «կազմաքանդված» Սիրիայում ունենալ ազդեցության գոտիներ ու սեփական «փոքրիկ Սիրիաներ»։ Ինչ վերաբերվում է Սաուդյան Արաբիան, ապա Էռ–Ռիյադը համարվում է Իրանի հիմնական հակառակորդներից մեկը`Իրանին դուրս մղելը Սիրիայից, Լիբանանից գերխնդիր է սաուդացիների համար`ԱՄՆ–ի հարվածների Ասադի ուժերին ու նրա հնարավոր տապալումը կխզի «շիական առանքցը»`Իրան–Իրաք–Սիրիալ–Լիբանան(Հզբոլահ):

ԱՄՆ–ի նպատակը

Թրամփն ու նրա «բազեները»`Պենտագոն, հետախուզություն, Կոնգրեսի մի հատվածը և այլն, ցանկանում են Սիրիայից դուրս մղել թե Իրանին`հակաիրանականությունը Թրամփի վարչակազմի ուղենիշներից մեկն է, ինչպես նաև ՌԴ–ին`«սառը պատերազմը» Վաշինգտոնի ու Մոսկվայի միջև շարունակվում է նաև այս պահին Սիրիայում։
Եթե Մոսկվան ու Թեհրանն ավելի մեծ ուժեր և ռեսուսրներ նետեն Ասադին օգնելու`ԱՄՆ–ը կզինի իսլամիստներին`Թուրքիայի ու Սաուդյան Արաբիայի միջոցով ու երկարաժամկետ հեռանկարով կներքաշի Իրանին ու ՌԴ–ին սիրիական թնջուկի մեջ`բոլոր հետևանքներով(աֆղանական սցենար):
Իսկ եթե ՌԴ–ը և Իրանը չցանկանան փրկել Ասադին`ապա Դամասկոսում կլինի թուրքամետ, սաուդամետ, ամերիկամետ իշխանություն, որն էլ կպահանջի ՌԴ–ին դուրս բերել զորքերը Սիրիայից, իսկ Իրանի նկատմամբ կորդեգրի այնպիսի քաղաքականություն, որն այժմ որդեգրել են Ծոցի արաբական երկրները։

ԱՄՆ–ը գործում է մի քանի սցենարներով`բոլորն էլ նպատակ ունեն հարվածել ՌԴ–ին ու Իրանին, իսկ սիրիական ժողովրդի մասին Վաշինգտոնում չեն մտածում`ոչնչացնելով Ասադի ուժերը նրանք ուժեղացնում են իսլամիստներին,որոնք էթնիկ զտումներ են իրականացնելու տեղի քրիստոնյաների, ալևիների նկատմամբ, ինչն էլ մի քանի միլիոն նոր փախստականների հոսք կապահովի դեպի ԵՄ`նրանց հետ Եվրոպա կներթափանցեն նաև հազարավոր ահաբեկիչներ։ ԱՄՆ–ը ոչնչացնելով Սիրիան, որպես պետականություն, բացելու է «պանդորայի արկղը»`Մերձավոր Արևելքում նոր միջկրոնական և այլ proxy war հրահրելով։