Սենտ Էտիենի ճարտարապետության ազգային դպրոցի ուսանողները ՃՇՀԱՀ-ում ներկայացրել են իրենց նախագծերը

Սենտ Էտիենի ճարտարապետության ազգային դպրոցի (ՃԱԴ) 19 ուսանող և ճարտարապետության շինարարության Հայաստանի ազգային համալսարանի (ՃՇՀԱՀ) 13 ուսանող ՃՇՀԱՀ-ում ՝  «Հայաստանում Խորհրդային շրջանի 60-ականների մոդեռնիզմի և պոստմոդեռնիզմի ժամանակահատվածի բնակելի շենքերի վերակառուցման և միջավայրի բարեկարգման նախագծեր»  խորագրով շնորհանդեսին  ներկայացրին իրենց նախագծերը: Ուսանողների փոխանակման ծրագրի շրջանակներում մեկ շաբաթյա դասընթացների ավարտին ներկայացված նախագծերի հիման վրա ուսանողներին տրվեցին հավաստագրեր: Այս մասին «Արմենպրես»-ին տեղեկացրեց ՃՇՀԱՀ  մամուլի քարտուղար Ժասմին Վիլյանը:

«ՃՇՀԱՀ-ի հետ համագործակցությունը չի սահմանափակվում միայն այս ծրագրով: Ֆրանսիաի համալսարանների հետ համագործակցությունը բազմազան է նաև քաղաքաշինության ոլորտում։Ակտիվ համագործակցություն է իրականացնում  նաև Լիոնի, Կլերմոֆերանի  Ճարտարապետության ազգային բարձրագույն  դպրոցների  հետ: Ֆրանսիաի կառավարությունը այս տարի վերաճանաչեց ՃՇՀԱՀ-ի ճարտարապետության դիպլոմը, ինչը վկայում է և համագործակցության բարձր արդյունավետության մասին և փաստում է,որ  ՃՇՀԱՀ-ի ճարտարապետության դիպլոմը համարժեք է Ֆրանսիաի ճարտարապետության   պետական դիպլոմի հետ»,-  ասաց ՀՀ-ու Ֆրանսիաի դեսպանատան համալսարանական համագործակցության գծով կցորդ Ֆրեդերիկ Ռայնբոլդը:

ՍԵնտ Էտիենի ՃԱԴ-ի հետ ՃՇՀԱՀ-ի համագործակցությունը վեց տարվա պատմություն ունի: Ուսանողների փոխանակման ծրագրի համաձայն չորրորդ կուրսի ուսանողները երկրորդ կիսամյակի նախագծերը իրականացնում են համատեղ: Թեմայի ընտրությունը խմբերի ղեկավարները կատարում են միասին: Ֆրանսիական կողմից խումբը համակարգում են ճարտարապետներ՝ Անդրե Սոլնեն  և Ռաֆի  Բեդրոսյանը: Իսկ հայկական կողմից ՃՇՀԱՀ-ի քաղաքաշինության ամբիոնի ղեկավար Զարուհի Մամյանը:

«Հայաստանում մենք համագործակցում ենք հինգ համալսարանների հետ, որոնցից մեկն էլ ՃՇՀԱՀ-ն է: Մեր համագործակցությունը այս համալսարանի հետ բավական ակտիվ է և ամենակարևորն այն է, որ ՃՇՀԱՀ-ի համագործակցությունը Ֆրանսիայի բուհերի հետ չի սահմանափակվում միայն Սենտ Էտիենի ՃԱԴ-ի հետ: Երիտասարդ ուսանողների, գիտնականների փոխանակման ծրագրերը կարևոր են ոչ միայն մասնագիտական առումով, այլև ֆրանսերեն լեզվի իմացության և տարածման տեսանկյունից: Ուրախալի է, որ այս ծրագրին մասնակցում են ոչ միայն հայեր և ֆրանսիացիներ, այլև իտալացիներ, չինացիներ, հնդիկներ ՝ խումբը բավականին միջազգային է: Սա վկայում է այն մասին, որ ֆրանսերենը հաղորդակցման միջոց է դառնում ոչ միայն Ֆրանսիացիների, այլև աշխարհի համար։ Ի դեպ, օրերս  ՃՇՀԱՀ-ի ճարտարապետության  չորրորդ կուրսի ուսանողը մեր ֆինանսավորմամբ  գործուղվեց Կլերմոֆերան  «ճարտարապետություն, պահպանում , նախագծում ․ ճարտարապետներ և ոլորտին առնչվողներ» ՀԿ մասնագիտական պրակտիկայի»,- նշեց ՀՀ-ում Ֆրանկոֆոն համալսարանական  գործակալության , Երևանում  Ֆրանկաֆոն թվայնացված  կենտրոնի  պատասխանատու Ռուզաննա Ղալթախչյանը: