Հրանուշ Հակոբյանը ողջունել է Հայաստանում ներդրումներ անել ցանկացող իսրայելահայ գործարարի նախաձեռնությունը

ՀՀ սփյուռքի նախարար Հրանուշ Հակոբյանն ապրիլի 11-ին ընդունեց իսրայելահայ գործարար, Հայ-իսրայելական առևտրի գրասենյակի փոխնախագահ, «Teamnet packing and international freight services» ընկերության ներմուծման և արտահանման հարցերով տնօրեն Սուրեն Շահնազարյանին, ով արձագանքելով ՀՀ սփյուռքի նախարարի նամակին՝ ցանկություն է հայտնել ներդրումներ կատարել Հայաստանում՝ գյուղատնտեսության և արևային էներգիայի արտադրության լորտներում: Այս մասին «Արմենպրես»-ին տեղեկացրին ՀՀ սփյուռքի նախարարության մամուլի և հասարակայնության հետ կապերի վարչությունից:

ՀՀ սփյուռքի նախարարը ողջունեց սփյուռքահայ գործարարին, կարևորեց նրա պատրաստակամությունը՝ ներդնել իր հնարավորությունները Հայաստանում՝ մասնակցելով Հայրենիքի զարգացման գործընթացին: Նախարարը հետաքրքրվեց Իսրայելի հայ համայնքի վիճակով, խնդիրներով, ընդգծեց, որ ինքնության պահպանման, համահայկական հարցերի շուրջ համախմբվելու, միասնական լինելու համար անհրաժեշտ է ամրացնել կապը Հայրենիքի հետ, ավելի ակտիվ մասնակցել նախարարության ծրագրերին: Նա մասնավորապես նշեց. «Կարծում եմ, որ ժամանակն է Սփյուռքը վերակազմակերպել մասնագիտորեն, օգտագործեÕ ¬ նրա հսկայական ներուժը: Ողջունում եմ Հայաստանում ձեր ներկայությունն ապահովելու, ներդրումներ կատարելու նախաձեռնությունը»:

Սուրեն Շահնազարյանը շնորհակալություն հայտնեց ջերմ ընդունելության համար, նախարարին ներկայացրեց կազմակերպության, եկեղեցու, համայնքի գործունեությունն ու խնդիրները, պատրաստակամություն հայտնեց ավելի սերտորեն համագործակցել նախարարության հետ, ակտիվորեն մասնակցել նախարարության ծրագրերին: