Երգող ու պարող հայ քաղաքական գործիչները (լուսանկարներ, տեսանյութ)

Քաղաքական գործիչներին սովոր ենք տեսնել լուրջ ու պաշտոնական իրավիճակներում, բայց եկենք չմոռանանք, որ նրանք էլ մեզ նման մարդիկ են, ովքեր  սիրում են երգել, պարել եւ ուրախանալ։

Ոմանք չեն՝էլ բարդույթավորվում եւ հասարակությանը  ցուցադրում են իրենց  տաղանդը։

Wnews.am-ը ներկայացնում է երգող ու պարող հայ քաղաքական գործիչներին.

Մեկ անգամ լսելով երբեք չեք մոռանա… սա ես ասում եմ սեփական փորձից։ Մինչ օրս շատ լավ հիշում եմ, թե ինչպես այդ ժամանակ դեռ  վարչապետ Տիգրան Սարգսյանը, լրագրողներիս հետ անմիջական շփմանը, ներկայացավ իր հայտնի կիթառով ու ժամեր շարունակ մեզ համար երգում ու նվագում էր Հախվերդյանի երգերը։Իհարկե, այդ պահին մենք առանց տեսախցիկների էինք եւ չենք ֆիքսել Տիգրան Սարգսյանի երգն ու նվագը, իսկ հետագայում՝ նաեւ հայկական քոչարին, սակայն սա վարչապետի միակ հանրային ելույթը չէր։

Ներկայացնում ենք Հայաստանի նախկին վարչապետ, այժմ ԱՄՆ-ում Հայաստանի արտակարգ եւ լիազոր դեսպան Տիգրան Սարգսյանի կատարումը.

Ի դեպ՝ Ռուբեն Հախվերդյանի ծննդյան օրը, վերջինիս մենահամերգի ժամանակ, Տիգրան Սարգսյանը խոստացավ, որ երբ պաշտոնը չխանգարի, համերգ է տալու Հախվերդյանի հետ միասին: Մենք այդ խոստումը չենք մոռացել և սպասում ենք: Բացի երգելուց ու նվագելուց, Տիգրան Սարգսյանի մոտ բավականին լավ է ստացվում նաեւ պարելը, համոզվեք ինքներդ.

Հայաստանի գործող վարչապետ Հովիկ Աբրահամյանին որեւէ մեկը տեսե՞լ է երգելիս…

Գուցե, ինչպես շատերը, տանը` լոգանք ընդունելիս նա երգում է, սակայն ոչ հանրայնորեն, իսկ ահա պարելուց նա չի բարդույթավորվում եւ կարելի է ասել, որ նրա մոտ  բավականին լավ է ստացվում…

Լեհաստանում Հայաստանի դեսպան Էդգար Ղազարյանը, եթե չզբաղվեր քաղաքականությամբ, կարծում ենք, մեծ հնարավորություններ կունենար դառնալու  երաժիշտ։ Չե՞ք հավատում, համոզվեք ինքներդ…

Գեներալ Մանվել Գրիգորյանին կարելի է դասել հայ «քեֆչի» պաշտոնյաների թվին։ Նա հաճախ է խնջույքներ կազմակերպում, որտեղ ուտում, խմում ու պարում է։

Ստորեւ ներկայացվող տեսանյութում պարում են Արցախի նախագահ Բակո Սահակյանն ու Մանվել Գրիգորյանը.

Երբեւէ պատկերացրե՞լ եք Սյունիքի մարզպետ Սուրեն Խաչատրյանին պարելիս… Համաձայն եմ, դրա համար վառ երեւակայություն է պետք։

Եթե չի հաջողվում պատկերացնել, ուրեմն մի էլ տանջվեք, այլ պարզապես դիտեք այս տեսանյութը.

Հայաստանի առաջին նախագահ Լեւոն Տեր-Պետրոսյանը պարում է  հանրահավաքներին, երբ տեսնում է, որ շատ հետեւորդներ են հավաքվել կամ էլ իր պարով է փորձում գրավել նրանց.

«Ժառանգության» առաջնորդ Րաֆֆի Հովհաննիսյանը եւս հանրահավքներին պարելու մեծ սիրահար է.

Ստորեւ ներկայացվող ֆոտոշարքում պարում են հանրապետության նախագահ Սերժ Սարգսյանը, ՀՀ երկրորդ նախագահ Ռոբերտ Քոչարյանըը, ԿԳ նախարար Արմեն Աշոտյանը։

 

Պատրաստեց Լուսինե Հովհաննիսյանը