«Տանել չեմ կարողանում, երբ թերագնահատում են իմ ուղեղի աշխատանքը». Լիանա

Past.am-ի բլից հարցերին պատասխանում է երգչուհի Լիանան:

 

- Ձեր օրն սկսվում է...

- Սուրճով:

- Ո՞վ կամ ի՞նչն է Ձեր ոգեշնչման աղբյուրը:

- Բալիկս:

- Գեղեցիկը Ձեզ համար...

- Բնությունն է:

- Ու՞մ եք դիմում, երբ հուսահատ եք:

- Շատ հարազատ մարդկանց միայն:

- Կյանքում երբեք չեք ների...

- Սուտն ու դավաճանությունը:

- Ձեր ամենամեծ հիասթափությունը...

- Հիասթափությունը շատ հարազատ մարդուց:

- Մի բան, որի համար շատ եք ափսոսել...

- Շատ բաներ կան:

- Ձեր կյանքի ամենառոմանտիկ հանդիպումը...

- Երբ անսպասելիորեն ինձ շատ սիրող մարդը հայտնվեց Ծաղկաձորում՝ գործուղման ժամանակ:

- Երբ բարկացած եք...

- Ցանկալի չէ, որ բարկանամ, աշխատում եմ չբարկանալ:

- Ձեզ հասկանալու համար դիմացինը պետք է...

- Ճանաչի ինձ:

- Ընտանի կենդանի ունե՞ք:

- Ունեցել եմ:

- Եթե լինեիք ամենազոր...

- Շատ-շատ լավ բաներ կանեի մարդկանց համար:

- Հայրենիքը Ձեզ համար...

- Մայր է:

- Ձեր կյանքի ամենամեծ ձեռքբերումը...

- Ալենը:

- Ամենաշատը երազում եք...

- Երազում եմ բալիկիս հասցնել այն ամենին, ինչ ուզում եմ նրա համար:

- Երբեք չեք փորձի...

– Թմրանյութերի հետ կապված որևէ բան:

- Աշխարհի լավագույն վայրը Ձեզ համար...

- Հայաստանը:

- Միշտ վախեցել եք...

- Առհասարակ չեմ վախենում ոչնչից:

- Մարդ, ով փոխել է Ձեզ...

- Տարբեր ժամանակաշրջաններում տարբեր մարդիկ են եղել: Շատ հարազատ մարդը միայն կարող է փոխել:

- Տանել չեք կարողանում, երբ...

- Թերագնահատում են իմ ուղեղի աշխատանքն ու փորձում են ստելով համոզել ինձ, բայց ես իրենցից շուտ եմ ստում, որովհետև չհավատալով՝ ցույց եմ տալիս, որ հավատում եմ:

- Մի բառով բնորոշեք ինքներդ Ձեզ:

- Արև:

- Տարվա ո՞ր եղանակի հետ եք Ձեզ ասոցացնում:

- Աշնան:

- Իր, որ միշտ Ձեզ հետ է...

- Չունեմ այդպիսի իր:

- Երջանկության՝ Ձեր բանաձևը...

- Սիրել և սիրված լինել:

- Առանց ինչի՞ չեք կարող ապրել:

- Առանց ինձ համար շատ թանկ մարդկանց սիրո:

- Ամենակարևորը՝ կյանքում…

- Լինել անկեղծ՝ առաջին հերթին ինքդ քո խղճի հանդեպ:

- Վերջին անգամ ե՞րբ եք արտասվել:

- Երեկ, երբ ջերմությունս 38,5 էր հասել:

- Այս պահին կուզենայիք...

- Մալդիվյան կղզիներում, ծովի ափին նստած լինել:

- Ձեր գերագույն նպատակն այս կյանքում...

- Իմ բոլոր նպատակները հարազատներիս ու բալիկիս հետ են կապված:

- Ուրիշ ի՞նչ հարցի կցանկանայիք պատասխանել, որը չհնչեց:

- Հենց հիմա ոչինչ մտքիս չի գալիս, բայց հետաքրքիր հարցեր էին:

- Եվ վերջում...

- Բոլորին ամենակարևորը՝ առողջություն, սիրեք և սիրված եղեք:

 

Մարիամ Նալբանդյան