Ինչու՞ հենց հատկապես 9 հարկ. այս հարցը ձեզ չի հետաքրքրե՞լ

Միշտ հարց է առաջացել ինձ մոտ, թե ինչու են բարձրահարկ շենքերը կառուցում հենց 9 հարկանի, այլ ոչ թե, օրինակ, 10։ 

60-90-ականներին շինարար աշխատած ծանոթներիցս մեկը պատմեց, որ շենքերի՝ 9 հարկանի լինելու հիմնական պատճառը հրշեջ մեքենաների աստիճանի ստանդարտ բարձրությունն է՝ 28 մետր։ Հենց դա է թույլատրելի բարձրությունը մինչև վերջին հարկ։ Հաշվի առնելով, որ մեկ հարկի ստանդարտ բարձրությունը 2,8-3,0 մետր է, ավելացնում ենք նաև հիմքն ու գետնահարկը, ստացվում է, որ գրեթե միշտ՝ շատ քիչ բացառություններով, հրշեջ աստիճանը հասնում է 9-րդ հարկ։ 28 մետրից բարձր շինություններում պահանջվում է աստիճան, որտեղ ծուխ չի կուտակվում։