Ռուսական կողմը չի հաստատում Դեյր Զորի շրջանում կոալիցիայի հարվածի վերաբերյալ հաղորդումները

Ռուսաստանի պաշտպանության նախարարությունը տեղեկատվություն չունի Սիրիայի Դեյր Էզ Զոր քաղաքի շրջանում միջազգային կոալիցիայի ավիահարվածի հետեւանքով մարդկանց զոհվելու մասին: Ինչպես տեղեկացնում Է «Արմենպրես»-ը, հղում անելով ՏԱՍՍ-ին, այդ մասին լրագրողներին հայտնել Է ՌԴ պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը: 
«Ռուսաստանի պաշտպանության նախարարությունը տեղեկատվություն չունի, որը կհաստատեր Դեյր Էզ Զոր բնակավայրի շրջանում միջազգային կոալիցիայի ինքնաթիռների ռմբակոծման հետեւանքով մարդկանց զոհվելու եւ ավերածությունների բնույթի մասին: Մոնիթորինգ իրականացնելու եւ իրադրությանը հետեւելու համար նշված շրջան են ուղարկվել օբյեկտիվ հսկողության անօդաչու սարքեր»,-ասել Է նա:
Ավելի վաղ SANA գործակալությունը տարածել Է Սիրիայի զինված ուժերի հայտարարությունը, որում ասված Է, որ հարյուրավոր մարդկանց թունավորման Է հանգեցրել ԱՄՆ-ի գլխավորած կոալիցիայի ռազմաօդային ուժերի հարվածը, որը հասցվել Է Դեյր Էզ Զոր քաղաքի մերձակա Ջալթայի շրջանում «Իսլամական պետություն» ահաբեկչական խմբավորման շտաբին ու պահեստին: Դրանում նշվում Է, որ օդուժի հարձակումը տեղի Է ունեցել ապրիլի 12-ին տեղական ժամանակով ժամը 17:30-ին: Դրա հետեւանքով ոչնչացվել են մեծ թվով ահաբեկիչներ, այդ թվում՝ օտարերկրացի վարձկաններ: 
«Սակայն ռմբակոծությունից հետո պահեստի վրա դեղին ծուխ Է բարձրացել: Դա վկայում Է այն մասին, որ այնտեղ պահվում Էին թունավոր նյութերի պաշարներ,-նշվուÕ ´ Է փաստաթղթում:- Գրոհի հետեւանքով թունավորումից զոհվել են հարյուրափոր մարդիկ, այդ թվում՝ խաղաղ բնակիչներ»: 
«Այդ միջադեպը կրկին հաստատում Է, որ ահաբեկչական կազմակերպություններն ունեն քիմիական զենքի պաշարներ, նրանք հնարավորություն ունեն այն ստանալ, պահել եւ օգտագործել հայտնի տարածաշրջանային պետությունների աջակցության շնորհիվ»,-ընդգծվում Է փաստաթղթում:
Reuters գործակալությունը հայտնել Է, որ կոալիցիան հերքում Է ավիահարվածի վերաբերյալ հաղորդումները: