Գոշ լճի տարածքում իրականացված աշխատանքների վերաբերյալ կատարվում է ծառայողական քննություն

 Տավուշի մարզով հոսող Գոշ լճի տարածքում իրականացված աշխատանքների վերաբերյալ կատարվում է ծառայողական քննություն: «Արմենպրես»-ի հաղորդմամբ` ապրիլի 15-ին պատասխանելով բնապահպան-ակտիվիստների ահազանգին ասաց ՀՀ բնապահպանության նախարար Արծվիկ Մինասյանը: 

Օրերս հայտնի է դարձել, որ «Վենդոռ» ընկերությունը «Դիլիջան» ազգային պարկի տարածք ծանր տեխնիկա է մտցրել, հարթեցրել ու լայնացրել է դեպի Գոշ լիճ տանող ճանապարհը, լճից տիղմը հանել ու կուտակել է ափի երկայնքով։«Այն, ինչ կատարվել է կազմակերպության կողմից թրթուրավոր շարժասարքի օգտագործմամբ՝ լճի որոշակի հատվածներից տիղմի մաքրման հիմնավորմամբ, «Դիլիջան» ազգային պարկի տնօրինության և բնապահպան ակտիվիստների կողմից կասեցվել է: Մենք նշանակել ենք ծառայողական քննություն «Դիլիջան» ազգային պարկում, թե ինչու համապատասխան պա հակային  ծառայությունները աշխատակիցները ժամանակին չեն  նկատել այդ գործողությունը: Առաջիկա օրերի ընթացքում կբացահայտենք պատճառը, և այդ մարդիկ, ովքեր ներգրավված են այդ գործողություններում, պատասխանատվության կենթարկվեն»,- ընդգծեց Մինասյանը և հավելեց, որ այդ տարածքը որևէ սահմանափակում չպետք է ունենա արշավախմբերի և զբոսաշրջիկների համար:

Նրա խոսքով` ընկերությանը վարձակալությամբ տրամադրվել է 3,18 հեկտար տարածք՝  Էկոտուրիզմի գործունեություն կազմակերպելու համար:

«Պահանջ է դրած եղել՝ ցանկացած ծրագիր իրագործելուց  առաջ  պետք է իրականցվի  փորձաքննություն, նաև պարտավորություններ է դրված լճի և շրջակա միջավայրի էկոհամակարգերը անվնաս պահելու համար: Այս պարտավորությունները ընկերությունը ունեցել է 2015 թվականից»,- նշեց Մինասյանը:

 Ակտիվիստները նախարարի հետ հանդիպմանը պահել էին՝ «Փրկենք Գոշը», «Բնությունը մենք ենք, #հեռուԳոշից» գրություններով պաստառներ: