Հոգեթերապիայի 5 տարօրինակ միջոց

Հոգեթերապիայի մասին մտածելիս շատերը պատկերացնում են բազմոցին հենված հիվանդի, ով պատասխանում է հոգեթերապևտի «Պատմիր մանկությանդ մասին» հարցին։ Իրականում հոգեթերապիայի բազմաթիվ հետաքրքիր միջոցներ կան, որոնցից մի քանիսին կանդրադառնանք ստորև։

5 Մերկ հոգեթերապիա

Մերկ մարմինների հոգթերապիան հատկապես տարածված էր 1960-ականներին։ Այն հիմնել էր հոգեթերապևտ Փոլ Բինդրիմը, ով հավատացած էր, որ մերկությունը հնարավորություն է տալիս մարդկանց ազատվել հագուստի պատճառով ստեղծված «սոցիալական սպասելիքներից» և ուղղակիորեն գործ ունենալ ամենաանձնական էմոցիաների հետ։ Խմբակային թերապիայի ընթացքում Բինդրիմը նշում էր, որ հագուստից ազատվելով՝ մարդիկ հնարավորություն են ստանում ուսումնասիրել իրենց ճնշող մտքերը, հաղթահարել ամուսնական խնդիրները և հասնել «ինքնադրսևորման բարձրագուն վիճակի»։
Հոգեթերապիայի մասնակիցները, մի քանի օր միասին անցկացնելով, փորձում են բացահայտել միմյանց ամենախորը գաղտնիքները փոխադարձ վստահությանն ու անկեղծությանը նպաստող վարժությունների միջոցով, որոնք նախագծում էր Բինդրիմը։ Օգտագործվում էին ամենատարբեր վարժություններ՝ միմյանց աչքերի մեջ նայելուց մինչև միմյանց մարմինը մանրակրկտորեն ուսումնասիրելը։ Մասնակիցները գրկում են միմյանց, մեդիտացիայով զբաղվում, լողում, արտահայտում իրենց զայրույթը և այս ամենը իրենց «ծննդյան հագուստով»։
Պահպանողական քննադատների պատճառով Բինդրիմի մերկ հոգեթերապիայի սեանսները շուտով դադարեցին։
Ինչևէ, եթե ձեզ հետաքրքրեց հոգեթերապիայի այս միջոցը, նշենք, որ Կալիֆորնիայի «Human Awareness Institute» կենտրոնում կարող եք մասնակցել մերկ հոգեթերապիայի սեանսների։

4 Հիպոթերապիա

Հիպոթերապիան կենդանաթերապիայի ճյուղերից է։ Այն իրենից ձիավարություն է ներկայացնում։ Հիպոթերապիան օգտագործվում է նաև ինչպես հոգեկան այնպես էլ ֆիզիկական խնդիրների հաղթահարման համար, ինչպես օրինակ. մանկական ուղեղային կաթվածը, աուտիզմը, սկոլիոզը և ողնաշարային այլ խնդիրները, տեսողական և լսողական խնդիրներ, շիզոֆրենիան, Դաունի համախտանիշը, նյարդային համակարգի խանգարումը, մտավոր հետամնացությունը, օստեոխոնդրոզը, շագանակագեղձի բորբոքումը, սրտի եւ ուղեղի կաթվածից հետո վերականգնումը և այլն:
Թերապիան ավելի շատ հաճելի զբաղմունք է, քան աշխատանք այնպես որ հիվանդներն ավելի հանգիստ են զգում՝ իրենք իրենց ու կենդանիների համար հոգ տանելով, սովորելով հոգ տանել ու կարեկցանքով վերաբերվել դիմացինին։
Քայլելիս ձիու ողնաշարը կատարում է նույնպիսի տատանումներ, ինչպիսիք մարդու ողնաշարը. ուստի ձին իր հեծյալին փոխանցում է շարժման ճիշտ ազդակներ: Ձիու մարմնի ջերմաստիճանը 1-1.5 աստիճանով բարձր է մարդու մարմնի ջերմաստիճանից, այսպիսով հեծյալի մկանները ստնում են բնական ջերմային մերսում: Քայլելիս ձին կատարում է 110 տատնումներ տարբեր ուղղություններով, որոնք կրկնում է ձիավորի մարմինը: Այդ շարժումների շնորհիվ հիվանդի ջղաձգված մկանները թուլանում են, իսկ թույլ մկանները` ձգվում: Սա անչափ կարևոր է հատկապես մանկական ուղեղային կաթվածի դեպքում:

3 Ավազաթերապիա

Ավազաթերապիան հնարավորություն է տալիս հաղորդակցության խնդիրներ ունեցող մարդկանց իրենց զգացմունքներն արտահայտել ավազի վրա, ֆիգուրների տեսքով սցենարներ պատկերելով։ Երեխաներն ու մեծահասակներն իրենց զգացմունքներն են արտահայտում էքսպրեսիվ միջոցներով առանց նույնիսկ դրա մասին երբևէ բառ արտասանելու։
Կարլ Յունգի աշխատություններից ոգեշնչված շվեյցարացի հոգեբան Դորա Կալիֆը ավազային խաղ զարգացրեց՝ տրավմաների, կամ բռնության ենթարկված այն հիվանդների հետ հաղորդակցվելու համար, ովքեր հնարավոր է դժվարանան կիսվել իրենց մտքերով ու ապրումներով։ Հիվանդներին հնարավորություն է տրվում ավազի սկուտեղի վրա տարբեր ֆիգուրներ պատկերել։ Նրանց խնդրում են պատմություններ պատկերել, որոնք կարող են հոգեբաններին հուշել նրանց կյանքի իրական խնդիրների մասին։
Հոգեթերապևտները կարողանում են այս սիմվոլները ճանաչել ու վերծանել։ Երբ դժվար է բառերով կիսվել դաժան ապրումների մասին, ավազը հարավորություն է տալիս բացվել ու արտահայտվել դրա միջոցով և հաղթահարել բարդույթները։

2 Հիպնոթերապիա

Հնարավոր է հիպնոսը աճպարարական հնարք թվա, սակայն այն իրականում օգնում է մարդկանց իրենց ենթագիտակցության մեջ մտնել՝ իրենց մոտ առկա խնդիրների պատճառները հասկանալու համար։ Հիպնոթերապիան հիվանդներին օգնում է ազատվել անցանակալի վարքից՝ մեդիտացիոն սեանսի ժամանակ ստացած հրահանգների ու մտքերի միջոցով։
Հիպնոսի վիճակում այցելուն ոչ թե քնած, այլ չափազանց հանգիստ ու թուլացած վիճակում է՝ զգայուն ամեն տեսակ ներշնչող մտքերի նկատմամբ։

Հիպնոթերապիստերը գործընթացը սկսում են հանգստացնող վարժություններով՝ այցելուի միտքը մաքրելու և լարվածությունից ազատելու համար։ Այնուհետև հիպնոսի ենթարկողը սկսում է ուղղորդել հիվանդին՝ խնդիրը հաղթահարելու համար տարբերակներ առաջարկելով (ինչպես օրինակ՝ առողջ սնունդ օգտագործել, ավելի փոքր բաժնով ուտել)։ Ուղեղը սպունգի նման սկսում է ներքաշել ու ընդունել այս պահին մտքի մեջ «ներարկված» նոր առաջարկները։

1 Խամաճիկների թերապիա

Ամենատարբեր տեսակի կենդանիների տեսքով խամաճիկները կարող են օգնել ազատվել գոռոզ տնօրենի, նյարդայնացնող հարևանի, կամ էլ խնդիներ առաջացնող երեխայի հետ ունեցած բարդ փոխհարաբերություններում։ Խամաճիկներն օգնում են այցելուներին արտահայտել իրենց էմոցիաները և դժվար երկխոսություններ ունենալ անվտանգ խաղալիքների հետ: Խամաճիկների հետ իրենց հաստատակամորեն պահելով՝ նրանք կարող են սովորել նաև համապատասխան վարք ցուցաբերել իրական կյանքում։ Խամաճիկների հետ, հատկապես երեխաների համար ավելի հեշտ է արատահայտել իրենց բարդ էմոցիաները, քննարկել բռնությունը, կամ սոցիալական շփման հմտություններ ցուցաբերել։

Խամաճիկները ապահով հեռավորություն են ստեղծում հոգեթերապևտի և հիվանդի միջև, այնպես որ ավելի հարմարավետ է դրա միջոցով խոսելը։ Թերապևտը կարող է կրեատիվ ձևով օգտագործել հիվանդի խնդիրները՝ օգնելով, որ դժվար քննարկվող թեմաների մասին հիվանդն ավելի հեշտ խոսի։

Հոգեթերապևտը հարցերն ուղղում է խամաճաիկին, ինչը հնարավորություն է տալի հիվանդին ասել այն, ինչ նա զգում է։ Այս թերապիան հատկապես արդյունավետ է աշխատում աուտիստիկ երեխաների, սոցիալական հմտությունները զարգացնելու կամ երևակայական միտքը զարգացնելու համար։