Աննա Ավանեսյան.«Հուսամ՝ անձնական կյանքս կառուցելու համար չեմ մեկնի երկրից»

Bravo.am-ը գրում է.

Աննա Ավանեսյանն ամռանը մեկ ամսից ավելի Միացյալ Նահանգներում էր, իսկ առիթը նոր հեռուստահաղորդաշարն է: Հաղորդավարուհին եւ ռեժիսոր Արթուր Մանուկյանը «Ճակատագրով՝ կին» ծրագրից հետո նոր եթերաշրջանում կներկայացնեն «Ճակատագրեր. Օվկիանոսից այն կողմ» հեռուստաշարքը, որն Առաջին ալիքով կցուցադրվի յուրաքանչյուր կիրակի:

Նկարահանված 12 թողարկման հերոսները ԱՄՆ-ում բնակություն հաստատած արվեստի եւ այլ ոլորտների մարդիկ են՝ դերասաններ Ալլա Թումանյանը, Վիոլետ Գեւորգյանը, Լեւոն Շարաֆյանը, նկարիչ Էմիլ Գազազը, Գլենդելի քաղաքապետ Զարեհ Սինանյանը, պարող-պարուսույց Միհրան Կիրակոսյանի եւ ռեժիսոր Գոռ Կիրակոսյանի ընտանիքները, Հարութ Փամբուկչյանը, Էմմին եւ այլք:

Ստեղծագործական թիմին այնտեղ միացել են լուսանկարիչ-օպերատոր Նարբե Խոդավերդին եւ պրոդյուսեր Կարո Կիրակոսյանը.«Արտադրական գործընթացն ավելի լավ կազմակերպելու հարցում մեզ աջակցել են տեղի մասնագետները: Ի դեպ, Կարո Կիրակոսյանը մեր հերոսներից մեկն է, եւ հենց իրեն առաջարկեցինք, որ  զբաղվի պրոդյուսերական աշխատանքով: Հինականում աշխատել ենք չորս հոգով, բայց աջակցել են տարբեր մարդիկ», - BRAVOam-ին պատմել է Աննա Ավանեսյանը:

Նա, նախորդ ծրագրից ոգեշնչվելով, միտք է հղացել ներկայացնել հայկական հեռուստաեթերում հազվադեպ երեւացող հայտնի մարդկանց պատմությունները.«Ինչո՞ւ են տեղափոխվել, ի՞նչ դժվարություններ են ունեցել, ինչպե՞ս է դասավորվել նրանց մասնագիտական եւ անձնական կյանքը. հարցեր եմ հղել նրանց մեկնելու իրական պաճառների մասին, խոսել են իրենց դժվարությունների մասին, նաեւ պատմել են, թե ինչպես են կարողացել վերադառնալ արվեստի ասպարեզ, իհարկե, հայկական միջավայրում: Սակայն մեր հյուրերից մեկը նկարիչ-քանդակագործ Էմիլ Գազազն է, որը ժամանակակից արվեստում համաշխարհային ճանաչում ունի եւ աշխատում է միջազգային շուկայի համար: Մեր մյուս դիմանկարը Զարեհ Սինանյանի մասին է, որը փոքր տարիքում է այստեղից մեկնել, ամերիկյան լավ կրթություն է ստացել, կարողացել է մուտք գործել քաղաքականություն եւ դիրք ունենալ ամերիկյան միջավայրում»: 

Շարունակությունը՝ այստեղ