Սարսափազդու կենդանիներ, որոնք ինչ-որ ժամանակ ապրել են Երկրի վրա. Ֆոտոշարք

Blog.1in.am-ը գրում է.

Թեև կենդանիների անհետացումը միշտ տխուր է, սակայն երբեմն մեզ՝ մարդկանց համար դա կարող է ձեռնտու լինել:

12 մետր մեգաօձերից մինչև ընձուղտի մեծության թռչող արարածներ: Առաջարկում ենք դիտել սարսափազդու արարածներ, որոնք ինչ-որ ժամանակ ապրել են Երկրագնդի վրա, և որոնց հարևանությունը հազիվ թե հաճելի լիներ մարդուն:

1. Pelagornis Sandersi

Թռչնի թևերի բացվածքը հասնում էր 7 մետրի: Այն ակնհայտորեն ամենամեծ թռչունն է, որը երբևէ ապրել է Երկրի վրա:

2. Euphoberia

Euphoberia-ն ունեցել է ավելի քան 90 սմ երկարություն:

3. Հսկայական մարդակապիկներ

Ապրել են 9 մլն-ից մինչև 100 հազար տարի առաջ ժամանակակից Ասիայում: Սա կապիկների ամենամեծ տեսակն էր Երկրի վրա: Համարվում է, որ այն ունեցել է մինչև 3 մ բարձրություն ու մինչև 540 կգ քաշ ու քայլել է 4 թաթերի վրա:

4. Էնդրյուսարխ

Ապրել է 45-30 մլն տարի առաջ: Այն եղել է հսկայական կաթնասուն: Գիտնականները ենթադրում են, որ այդ գիշատիչը կարող էր կշռել մինչև 1800 կգ, ինչը նրան դարձնում է ամենախոշոր ցամաքային կաթնասունը պատմության մեջ:

5. Pulmonoscorpius

Կարիճն ապրել է 345-330 մլն տարի առաջ, ենթադրվում է, որ ունեցել է մինչև 76 սմ երկարություն:

6. Մեգալանիա

Հսկայական մողեսն ապրել է Հարավային Ավստրալիայում: Անհետացել է մոտ 30 հազար տարի առաջ:

7. Հելիկոպրիոն

Նախապատմական երկարակյացներից է (310-250 մլն տարի առաջ), ունեցել է 4 մ երկարություն:

8. Էնտելոդոն

Ի տարբերություն իրենց ժամանակակից ազգակիցների՝ նրանք նման են եղել վարազների: Դրանք քայլել են 4 թաթերին ու ունեցել են գրեթե մարդկային հասակ: Որոշ գիտնականներ ենթադրում են, որ դրանք անգամ եղել են մարդակերներ:

9. Անոմալոկարիուս

Հավանաբար ապրել է քեմբրյան շրջանում: Ծովային կենդանի է:

10. Մեգանևրա

Քարածխային շրջանի անհետացած միջատ է, նման ժամանակակից ճպուռներին: Թևերն ունեցել են մինչև 66 սմ բացվածք:

11. Attercopus

Եղել է սարդանմանների տեսակից, նման է եղել կարիճի:

12. Դեյնոզուխ

Ժամանակակից կոկորդիլոսների անհետացած ազգականն է, ապրել է 80-73 մլն տարի առաջ:

13. Դունկլեոստեյ

Ապրել է 380-360 մլն տարի առաջ, եղել է գիշատիչ ձուկ: Շնորհիվ իր սարսափելի չափերի՝ մինչև 10 մ երկարություն ու գրեթե 4 տոննա քաշ, համարվել է իր ժամանակների գիշատիչը:

14. Սպինոզավր

Խոշոր դինոզավրերից է, որն ունեցել է 18 մետր երկարություն ու կշռել է մինչև 10 տոննա: Դրանք կերել են ձկներ, անգամ այլ դինոզավրերի:

15. Սմիլոդոն

Ապրել են Հյուսիսային ու Հարավային Ամերիկայի տարածքում պլեյստոցենի դարաշրջանում (2.5 մլն-ից 10 հազար տարի առաջ): Խոշոր գիշատիչը կարող էր կշռել մինչև 408 կգ:

16. Կետցալկոատլ

Այդ կենդանու թևերի բացվածքը կարող էր հասնել 12 մետրի: Այս պտերոզավրը եղել է ամենախոշոր էակը, որը կարող է երբևէ թռչել: