Թուրքական Սահմանադրության երեք գլխավոր կետերը՝ ըստ Մուշեղ Խուդավերդյանի

«Պոստ սկրիպտում» ակումբում թուրքագետ Մուշեղ Խուդավերդյանը խոսել է Թուրքիայում անցկացված սահմանադրական փոփոխությունների հանրաքվեի, մասին,-հայտնում է Past.am-ը:

Ըստ թուրքագետի՝ այն որ 51.4%-ով հաղթեց «այո»-ն, վկայում է, որ հարևան երկրում տեղի են ունենւմ բավական պատկառելի փոփոխություններ` երկրի ղեկավարումը պառլամենտանտականից տանում են դեպի նախագահականի:

Մուշեղ Խուդավերդյանը շեշտեց, որ երկրի նախագահին տրվում են բավական բարձր լիազորություններ: Նրա խոսքով՝Ռեջեփ Թայիփ Էրդողանին են վերագրվում բարձրաստիճան պաշտոնյաներ, նախարարներ ու փոխնախարարներ նշանակելու լիազորություները: Առանձնացնելով փոփոխված Սահմանադրության երեք կարևոր կետերը՝ բանախոսը նշեց. «Առաջինն այն է, որ Թուրքիայի նախագահը այժմ կարող է լինել կուսակցական:Ժամանակին Սահմանադրությունն արգելում էր երկրի նախագահին որևէ կուսակցության անդամ լինել, իսկ նոր Սահմանադրությամբ դա թույլատրվում է: Այսուհետ նա կարող է ղեկավարել «Արդարություն ու զարգացում կուսակցությունը:

Երկրորդ փոփոխությունը վերաբերում է դատական համակարգին, մասնավորապես` դատավորների ու դատախազների բարձրագույն խորհուրդը այսուհետ կոչվելու է դատավորների ու դատախազների խորհուրդ, անդամների թիվը 23-ից իջեցվելու է 13-ի, որից 4-ին ընտրելու է անձամբ Ռեջեփ Թայիփ Էրդողանը, իսկ մնացածին ընտրելու է թուրքական խորհրդարանը` Միլի մեջլիսը:

Երրորդն էլ այն է, որ փոփոխություններ են կատարվելու նաև Սահմանադրական դատարանում, որտեղ առկա զինվորականների թիվը 17-ից իջեցվում է 15-ի: Սա նշանակում է, որ Սահմանադրական դատարանը սահմանափակում է զինվորական իշխանությունը»,-ընդգծեց բանախոսը:

Լևոն Փանոսյան