Մերկելն իր ժողովրդականությամբ կանցլերի պաշտոնի թեկնածու Շուլցին գերազանցում Է 15 տոկոսով. հարցում

 Գերմանիայի գործող կանցլեր Անգելա Մերկելն իր ժողովրդականությամբ 15 տոկոսով գերազանցում Է դաշնային կանցլերի պաշտոնի թեկնածու Եվրախորհրդարանի նախկին ղեկավար Մարտին Շուլցին: Այդ մասին, ինչպես տեղեկացնում Է «Արմենպրես»-ը, վկայում են այն հարցման արդյունքները, որը Forsa սոցիոլոգիակա հետազոտությունների ինստիտուտն անցկացրել Է Stern հանդեսի եւ RTL հեռուստառադիոընկերության պատվերով: 
Գերմանիայում Բունդեսթագի ընտրությունները տեղի կունենան սեպտեմբերի 24-ին: Դրանց արդյունքներով ձեւավորվելու Է կառավարությունը եւ հայտարարվելու Է կանցլերը (կառավարության ղեկավարը): 
Արդյունքների համաձայն, Մերկելի օգտին պատրաստ Է քվեարկել հարցվածների 44 տոկոսն այն դեպքում, երբ Շուլցի օգտին՝ 29 տոկոսը: Շուլցի ժողովրդականությունը 30 տոկոսային կետից ցած Է ընկել նրա թեկնածության առաջադրումից ի վեր առաջին անգամ: 
Գերմանիայի սոցիալ-դեմոկրտական կուսակցությունը (ԳՍԴԿ)՝ Շուլցի գլխավորությամբ, հավաքում Է ձայների 30 տոկոսը, ՔԴՄ/ՔՍՄ կուսակցական դաշինքը՝ Մերկելի գլխավորությամբ՝ 36 տոկոսը: «Ձախերին» աջակցում Է հարցման մասնակիցների 9 տոկոսը, «Այլընտրանք Գերմանիայի համար» աջ պոպուլիստական կուսակցությանը՝ 8 տոկոսը, Գերմանիայի ազատ ժողովրդավարական կուսակցությանը՝ 6,5 տոկոսը: «Կանաչների» կուսակցության վարկանիշն ընկել Է մինչեւ 15-ամյա նվազագույն եւ կազմել ընդամենը 6 տոկոս:
Հարցումն անցկացվել Է ապրիլի 10-ից մինչեւ 13-ը, դրա մասնակիցներն ընտրվել են պատահականորեն, նրաց թիվը չի նշվում, հաղորդել Է ՌԻԱ Նովոստին: