Երևան, 20.Նոյեմբեր.2026,
00
:
00
ՀՐԱՏԱՊ

Նարեկը այս երգի հետ կապված որևէ իրավունք չունի. Քրիստինե Պեպելյանը բացում է փակագծերը

ՖՈՏՈ

Life.panorama.am-ը գրում է.

Երգչուհի Քրիստինե Պեպելյանը վերջերս ներկայացրեց իր նոր՝ «Հավատա» տեսահոլովակը, որը կարճ ժամանակ անց արժանացավ դրական արձագանքների: Երգչուհին իր հարցազրույցներում բազմիցս է նշել, որ երգի հեղինակը՝ Ժակլին Թադեւոսյանը, այս երգը դեռ 14 տարեկանում գրելով, ցանկություն է ունեցել, որպեսզի հենց Քրիստինե Պեպելյանն այն կատարի, որն էլ իրականացել է տարիներ անց:

Սակայն, երեկ անակնկալ կերպով համացանցում հայտնվեց մի հրապարակում, ըստ որի իրականում երգը գրված է եղել երգիչ Նարեկ Մակարյանի համար, եւ վերջինս երկու տարի առաջ երգել է այն: Հրապարակման մեջ նշվում է նաեւ, թե տեսահոլովակում երգչուհու ներկայությամբ կադրերի բացակայությունը խոսում է հենց այդ մասին, որ այս նախագիծը նրանը չէ: Ավելին՝ նյութում Քրիստինե Պեպելյանին անձնավորված մեղադրանքներ են հնչել՝ երգի հեղինակային իրավունքը գողանալու եւ կեղծելու համար:

Life.panorama.am-ը, թեմայի շրջանակում պարզաբանում ստանալու նպատակով, կապ հաստատեց Քրիստինե Պեպելյանի հետ, ով զրույցի սկզբում նախ անդրադարձավ նյութի հեղինակին, ապա նաեւ՝ երգի պատմությանը:

«Նախ հատուկ շեշտեմ, որ լուրջ չեմ վերաբերվում այն հրապարակումներին, հոդվածներին, որի ներքո չկա ստորագրություն՝ անուն-ազգանուն: Նման պարագայում բացակայում է  պրոֆեսիոնալիզմը: Եթե հնչում են մեղադրանքներ, ապա լավ կլինի, որ հոդվածագիրը ներկայանա,  որպեսզի ինքս էլ հասկանամ, թե ում հետ գործ ունեմ: Մեղադրել ինձ մի բանի մեջ ու կասկածի տակ դնել իմ խոսքը եւ դա անել օդի մեջ, իմ կողմից լուրջ համարվել չի կարող, առավել եւս, որ ես վաղուց այն տարիքում չեմ, որպեսզի որեւէ բան հորինեմ: 20 տարի բեմական գործունեությունից ու հրաշալի երգացանկ ունենալուց հետո պարզապես աբսուրդ է մտածել որեւէ մեկի երգը վերցնելու մասին, առավել եւս դրանով կամ ինչ-որ մեկով ինքնահաստատվելու խնդիր ես բնավ չունեմ: Ես խորհուրդ կտամ հոդվածագրին, երբ իրեն թույլ է տալիս պրոֆեսիոնալ դիտարկումներ անել, առավել եւս իմ անվան հետ կապել «գողանալ» բառը, ավելի զգույշ լինել: Նաեւ խորհուրդ եմ տալիս նրան այսուհետ ստորագրել իր նյութի ներքո, եթե իրեն համարում է պրոֆեսիոնալ ու իր տված ինֆորմացիան կասկածի տակ չի դնում»,- շեշտեց Քրիստինե Պեպելյանն, ապա անդրադարձավ «Հավատա» երգի նախապատմությանն ու խոսեց այս երգի հետ Նարեկ Մակարյանի կապի մասին.

«Ժակլին Թադեւոսյանը այս երգը հատուկ ինձ համար գրել է 14 տարեկանում ու շատ է ցանկացել, որ հենց ես այն կատարեմ: Նա դիմել է իր քեռիին, ով աշխատել է «ՍՕՍ մանկական գյուղում», խնդրել է, որպեսզի երգն ինձ փոխանցի, բայց քանի որ նա փոքր է եղել, նրան առանձնապես լուրջ չեն վերաբերվել ու երգը չի հասել ինձ: Տարիներ անց ստացվել է այնպես, որ երգը առաջարկվել է երգիչ Նարեկ Մակարյանին, որի հետ այդ ընթացքում աշխատել է մոսկվաբնակ պրոդյուսեր Սոֆյա Գուլյանը: Այդ ժամանակ Սոֆյան իր միջոցներով գնել է երգը, ապա իրականացրել է գործիքավորումը եւ այն Նարեկի համար որպես նախագիծ է փորձել իրականցնել: Սակայն, որոշ ժամանակ հետո, երբ Սոֆյան եւ Նարեկը դադարեցրել են իրենց համատեղ աշխատանքը, «Հավատա» երգը, որի տեսահոլովակի համար որոշ կադրեր նկարված են եղել, մնացել է Սոֆյայի մոտ, քանի որ դա աշխարհում ընդունված կանոն է. պրոդյուսերի եւ արտիստի հարաբերությունները խզվելու դեպքում մի շարք երգերի իրավունքները պատկանում են տվյալ նախագծերն իրականացնող պրոդյուսերին: Այս պարագայում էլ, Նարեկը որեւէ իրավունք չունի այս երգի հետ կապված, քանի որ որեւէ ծախս նա պարզապես չի արել, որպեսզի իրականանա այդ նախագիծը: Ավելին՝ իրենց շփումը դադարեցնելուց հետո Սոֆյան առաջարկել է Նարեկին գնել այդ երգի իրավունքները, որից երգիչը հրաժարվել է, եւ հետեւաբար այդ նախագիծը շարունակել է մնալ պրոդյուսերի սեփականությունը: Արդեն երկար ժամանակ անց Սոֆյան առաջարկեց ինձ կատարել այս երգը, հեղինակն էլ շատ ուրախ էր՝ ասելով, որ վերջապես տարիներ անց ամեն ինչ ընկավ իր տեղն ու երգն ինձ հասավ»,- նշեց Քրիստինեն ու նկատեց, որ պահպանելով քաղաքավարության կանոնները՝ այս նախագիծն իրականացնելուց առաջ կապ է հաստատել Նարեկի հետ.

«Թեեւ ինքս էլ հասկանում էի, որ Նարեկն այլեւ ոչ մի կապ չունի այդ նախագծի հետ, բայց ճիշտ համարեցի կապ հաստատել նրա հետ: Նրան տեղյակ պահեցի, որ ես եմ նախագիծը վերցնում, իսկ Նարեկն էլ հայտնեց, որ ուրախ է այդ փաստի համար եւ ինքը որեւէ կապ չունի այդ երգի հետ»:

Ինչ վերաբերվում է տեսահոլովակում իր բացակայությանը՝ Քրիստինեն նկատեց.

«Կարծում եմ՝ բոլորին էլ հասկանալի է, որ եթե ես ցանկանայի, հաստատ ինչ-որ կադրերում կնկարահանվեի: Սակայն ինքս դա չցանկացա, քանի որ մեր թիմը սյուժետային գծերը այլ կերպ էր պատկերացնում: Մտածել, որ ես չկամ տեսահոլովակում, հետեւաբար այն իմը չէ, ուղղակի աբսուրդի ժանրից է: Նարեկի հետ համագործակցության ընթացքում որոշ կադրեր նկարված են եղել, բայց ընդհանուր տեսահոլովակը նկարահանվել է իմ հետ աշխատանքի ընթացքում»:

Քրիստինե Պեպլյանը չի բացառում, որ տարածված հոդվածը Նարեկ Մակարյանի ցանկությամբ է գրվել.

«Ինչ խոսք, չեմ կարող միանշանակ ասել ու անտեղի մեղադրանքներ հչեցնել, որ սա Նարեկի պատվերն էր, սակայն այն, որ հոդվածագիրն իր անունը չէր նշել, թույլ է տալիս նաեւ նման կասկածներ ունենալ ու մտածել, որ սա լուրջ նյութ չէ, փոխարենը՝ ինչ-որ մեկի համար սովորական ինտրիգ: Իսկ ես ինտրիգների կարիք չունեմ,  վաղուց ունեմ հրաշալի երգացանկ, որոնք մարդիկ սիրում են:  Շատ լավ եմ հասկանում, որ այս նախագիծն իմ կողմից ներկայացնելուց հետո Նարեկի  համար գուցե շահավետ են նման նյութերը, եւ եթե դա որեւէ կերպ կարող է նպաստել, որպեսզի ինքը հարցազրույցներ տա եւ խոսակցությունների կենտորնում հայտնվի, եթե այս իրավիճակները եւ հատկապես իր անունն իմ անունի հետ կապելը օգնում են Նարեկին, ապա ուրախ եմ, որ կարող եմ օգնել նրան: Սակայն չեմ կարծում, որ սա ճիշտ տարբերակ է: Ինչքանով հետեւել եմ՝ բավականին երկար ժամանակ է՝ Նարեկը ոչ մի աշխատանքով աչքի չի ընկել, թեեւ նա ինձ համար շարունակում է մնալ որպես տաղանդավոր երգիչ: Նարեկին շատ հաջողություններ եմ մաղթում ու կցանկանայի, որպեսզի նա իր երգերով հանրության ուշադրության կենտրոնում լիներ, այլ ոչ թե էս տեսակ էժանագին հոդվածներով փորձեր ասպարեզում հայտնվել»,- նշեց երգչուհին:

Զրույցի վերջում Քրիստինե Պեպելյանը ընդգծեց.

«Նարեկը այս երգի հետ կապված որեւէ հեղինակային իրավունք չունի: Երգի հեղինակային իրավունքը պատկանում է հեղինակին՝ Ժակլին Թադեւոսյանին, կատարման իրավունքը իմն է, նախագծի տերը պրոդյուսեր Սոֆիա Գուլյանն է»:

Հեղինակ Անուշիկ Մելքոնյան

Վարդան Ջհանյանը ներկայացրել է Հայաստանի հանքարդյունաբերության ոլորտի առաջիկա առաջնահերթություններըՏարածաշրջանային բախումների եզրին. Արշակ Կարապետյանը՝ անվտանգության մեխանիզմների, 102-րդ ռազմաբազայի և արժանապատիվ պայքարի մասին․ «Փաստ»Փաշինյանին հարցեր տալը՝ այլևս ոչ թե անիմաստ, այլև կոլեգիալ համերաշխությանը հակասո՞ղ․ Մենուա ՍողոմոնյանՎրաստանի փորձը կարող է լավ հիմնավորում դառնալ Հայաստանում կենսաթոշակառուների գույքահարկի արտոնության պահանջի համար․ ԿամենդատյանԱշտարակ-Ուջան ավտոճանապարհին վարորդը «Լադա»-ով դուրս է եկել ճանապարհի երթևեկելի գոտուց և հայտնվել դաշտում․ կա վիրավnր Սամվել Կարապետյանին կալանավորեցին, որովհետև Հեյդարի որդուն թույլ չի տալիս ալիևյան սահմանադրությունը թելադրել հայ ժողովրդին. Անուշ Միրզոյան«Ծննդյան վայր՝ Ադրբեջան». ինչու է այսպես նշվում արցախցիների նոր անձնագրերում Կյանքից հեռացել է Մարինե ՄարինոսյանըՊՆ-ն արձագանքել է բանակում մահերի թվի վերաբերյալ քննադատությանը ՊՆ-ն փորձում է հասարակական դիսկուրսից դուրս մղել ոչ մարտական պայմաններում բանակում զոհերի խնդիրը․ Մարիաննա ՂահրամանյանԶելենսկին հայտարարել է, որ Ուկրաինային Արևմոտքից 115 միլիարդ դոլար է անհրաժեշտ Պակիստանում ավտոբուսի և ավտոցիստեռնի բախմшն հետևանքով 10 մարդ է մահшցել Երևանում՝ խմորեղենի արտադրամասում հրդեհ է բռնկվել Կենսաչափական փաստաթղթում «ծննդյան վայրը» նշման դաշտը կարգավորվում է ISO 3166 ստանդարտով․ ՆԳՆ պարզաբանում էԵրևանի և մարզերի բազմաթիվ հասցեներում սպասվում են էլեկտրաէներգիայի անջատումներՇենքի պայթյունի հետևանքով զոհերի թիվը հասել է հինգի, ևս երկուսը դեռևս փլատակների տակ են․ ԹբիլիսիԹրամփը հասկանում է Ղրիմի կամրջի վրա հարձակումներից Պուտինի զայրույթըAxios․ Իսրայելը կարող է միանալ Իրանի դեմ ԱՄՆ-ի ռազմական գործողությանը«Հաղթանակ» զբոսայգում Ալբերտ Հովհաննիսյանի և մյուս զոհվածների հիշատակին նվիրված անկյուն կստեղծվիԻնչ եղանակ է սպասվում նոյեմբերի 20-ից 24-ինԴուք՝ մեր կողքին, մենք՝ ձեր կողքին. Էդուարդ Բաբայան (տեսանյութ)Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմՆոյեմբերի 19/20 ջուր չի լինելու․ հասցեներՀանրապետությունում ձյուն է տեղում․ իրավիճակը՝ ավտոճանապարհներինՔուշներ․ Թրամփը Պուտինին և Ծինփինին հայտնել է խաղաղության հասնելու պատրաստակամության մասինԱԺ Ուժեղ Հայաստան խմբակցության պատգամավոր Մարիաննա Ղահրամանյանի պատասխանը ՊՆ հայտարարությանըՀանրապետության նախագահի նստավայրում տեղի է ունեցել դատավորի երդման արարողությունԵրևանի Մյասնիկյան պողոտայում բախվել է 4 ավտոմեքենաՀՀ-ում կանցկացվի սպորտային մարմնամարզության մեծահասակների Եվրոպայի առաջնությունՍիսիանի, Աշոցքի տարածաշրջաններում և Վարդենյաց լեռնանցքում ձյուն է տեղումՍամվել Կարապետյանին կալանավորեցին, որովհետև Հեյդարի որդուն թույլ չի տալիս ալիևյան սահմանադրությունը թելադրել հայ ժողովրդին. Անուշ ՄիրզոյանԿասեցվել է «Սիթի» ընկերության հացի արտադրամասի արտադրական գործունեությունըԼևոն Արոնյանը հաղթանակ է տարել ադրբեջանցի Շահրիյար Մամեդյարովի նկատմամբՊուտինն ավարտել է իր երկօրյա այցը ՉինաստանԱՄՆ-ը նոր պատժամիջոցներ է սահմանել «Հեզբոլլահի» ֆինանսավորման հետ կապված կազմակերպությունների և անձանց նկատմամբ Քուվեյթում ամերիկյան ավիաբազայի 15 հանգար է վնասվել Իրանի հարվածների հետևանքով. AP 44-օրյա պատերազմի զոհերի նույնականացման վերաբերյալ նոր տվյալներ են հրապարակվել ԶՈՒ-ում մեկնարկել է ատեստավորման նոր փուլ․ արդյունքները վճռորոշ կլինեն Հայտնի է աշխարհի ամենաբարձր վարձատրվող ֆուտբոլիստը․ The Touchline-ը ներկայացրել է տասնյակը Մեր բոլորի խնդիրն է ամեն գնով պաշտպանել Անկախության հռչակագիրը. Ավետիք ՉալաբյանԼսում ենք` պետք է պատրաստվել 2030 թվականին. Պուտին 33-ամյա տղան սպանել է հորըՍամվել Կարապետյանն անազատության մեջ է գտնվում Հայաստանի Սահմանադրությունը պաշտպանելու համար․ Տիգրան ԱբրահամյանՆկարահանել ու հաղորդել. վարորդների խախտումների վերահսկողությունը կընդլայնվի Դուք հասկանու՞մ եք, որ իշխանությունը հավերժ չի, մի օր հատիկ առ հատիկ բոլոր էս այլասերումների ու անիրավությունների համար պատասխան եք տալու․ Աննա ԿոստանյանԱրմավիրի մարզի մի շարք բնակավայրերում փորձարկվելու են էլեկտրական շչակներ Ադրբեջանի նախապայմանները վերջ չունեն, իսկ հայ ժողովուրդը մեզ զիջումներ անելու մանդատ չի’տվել. Հայկ ՖարմանյանՂրիմի կամրջի վրա hարձակումներին ՌԴ պատասխան գործողությունները շատ ավելի ցավnտ կլինեն. Պուտին ՌԴ-ի, ՉԺՀ-ի և ԱՄՆ-ի առաջնորդների Շենժենում կայացած առաջին եռակողմ հանդիպման արդյունքները նշանակալի պտուղներ կտան ապագայում. Սի Ծինփին Գեոպոլիտիկ պայքարը ոչ միայն կանգ չի առնում, այլ ավելի լուրջ և վտանգավոր փուլ է մտնում․ Մհեր Ավետիսյան